February 14 - 21 chhung khan Mizorama Chanchintha lo thlen dan documentary, 'Mingo Hnuhnung' tih chu a thawhkhatna atan film shooting tluang taka neih a ni a. He film shooting thawhkhatna hi hmun hrang hrang AICS; Mac Donald Hill, Zarkawt; AR Lammual; Lungleng leh Tlawnglui, Hortoki Kai chhak Kutbul Lui chhuah ah te neih a ni.

February 21, 2023 (Thawhlehni) Chawhnu dar 2:00 khan B.Sanghnuna Conference Hall, Christian Hospital, Serkawn-ah Hospital Management Committee Meeting neih a ni a. Meeting hi Committee  chairman - Rev. R. Lalnunzira, AGS-Service-in a kaihruai a, Secretary Upa Dr. Lalramzauva, Director, Medical & Health Department-in report a pe.

February 20, 2023 (Thawhtan) khan BCM Venglai, Lungsen, Biak In thar chu General Secretary Rev. R. Lalbiakliana’n a hawng a. Biak In hawnna hi Biak In kawtah neiin, General Secretary-in a hawn zawh hian Biak In chhungah lutin  Inkhawm nghal a ni a. Inkhawm hi Rev. C. Lalremmawia, Bialtu pastor-in kaihruaiin, Upa K. Siamliana, Kohhran Chairman-in Biak In sak dan report tlangpui a pe.

February 18-19, 2023 (Inrinni leh Pathianni) khan BCM Recognised Evangelistic Team Speaker Meet, BCM Hall, Serkawn-ah neih a ni a. Thupuiah “Pathian Ralthuam famkimin inthuamn rawh u” tih Ephesi 6:11 chu hman a ni.

Nimin, February 17, 2023 (Zirtawpni) khan BCM Biak In, Tuipui D-ah Mizoram Ṭhalai Kristian Pawl Rorel vawi 69-na neih a ni a, Rorel Palai mii 554 ten rorelna dawhkan an kil a ni. Rorel Inkhawm hi Upa R.Lalrochama, President MṬKP-in a kaihruai a, Rev. F.Zorinkhuma, Secreatary-in Report ziaka a pek bakah  Tv. H.Lalruatkima, Finance Secretary leh Nl. J.Lalrintluangi, Treasurer ten sum hmuhna leh hman dan report ziakin an pe bawk.

BCM Assembly thurel bawhzuia, Mizorama Chanchin Tha lo thlen dan Documentary Film Communications Department in a buaipui mek ‘Mingo Hnuhnung’ chu buatsaih tan turin ruahmanna engkim peih fel a ni ta a. February 14, 2023 (Thawhlehni) tlai dar 3:30 khan Pastor Thanzinga Chapel, AICS ah Pathian hnena hlanna neih a ni.

February 16, 2023 khan Bible Society Committee peng pakhat NEITAC Meeting, Shillong-ah neih a ni a. He Meeting-ah hian Rev. Dr. R. Lalthanmawia, AGS Mission chu member a nih angin a kal a, ni 15-ah Lunglei chhuahsanin a tlang nghal a, ni 16-ah meeting neiin, February ni 17 hian Shillong rawn chhuahsanin, Lunglei a rawn ban leh nghal ang.

February 13, 2023 (Thawhtanni) khan Mission Working Committee Meeting, BCM Committee Room-ah an thukhawm a. Meeting hi Rev. KV Thanga, President Elect-in kaihruaiin, Rev. Dr. R. Lalthanmawia, AGS-Mission-in report tlangpui a pe bawk.

February 15, 2023 (Nilaini) khan Er. Victor Lalrinawma, Property Director leh Pu Lalramchhana, J.E te chu Rotlang west ah kalin, Bru Baptist Church (BBC) BiakIn sakna tur a hmunah tlawhin an enpui

February 14, 2023 (Thawhlehni) chawhnu dar 1:00 khan Aizawl Area Development Working Committee chuan Baptist House, Upper Khatla-ah meeting an nei a.  Meeting hi Committee Chairman Rev. JC Vanlalluaia’n a kaihruai a, Secretary Rev. R. Lalrintluanga, Executive Secretary, Aizawl Area ni bawk chuan report a pe bawk.

February 14, 2023 (Thawhlehni) chawhma dar 11:00 khan Sap Upa leh Pu Buanga Hall, BCM Office, Serkawn-ah R&D Skill Training Centre hnuaia zirna peng hrang hranga zirlaite tan Orientation Programme buatsaih a ni a.  Hun hmasa lamah Rev. L. Vanlalsangan, Director, Relief & Development Department-in Pathian hnenah inkawltirna neiin, zirlaite kal khawmte fuihna thuchah a sawi nghal a.

Dt 13-16.February.2023 chhung khan Adi Baptist Union(ABU) inkhawmpui vawi 52 nâ chu Motum Baptist church ah neih a ni a, Thupui-ah “Zirtirna dik lo lakah fimkhur rawh u” (2 Kor 11:4) tih hman a ni a, Inkhawmpui Speaker pahnih Rev Dr Akheto Sema G/S CBCNEI leh Rev Lalsangzuala Sailo FD AP East te hman an ni.

February ni 8, 2023, Nilaini khan HATIM Principal office-ah BKHP Day thawhlawm an dawn atanga an lei, Photocopier khawl lian (Xerox machine) pahnih Pathian hnena hlanna neih a ni a. He hunah hian MBKHP Office Bearers te leh HATIM-a thawktute an tel a ni.

February 11, 2023 (Inrinni) khan Zemabawk Pastor Bial chuan an Bial chhunga Kohhran hruaitu (Pastor, Kohhran Upa leh Rawngbawltu) Nupuite pualin Retreat an buatsaih a. Bialtu Pastor C.Lalremmawia chu Speaker-ah an hmang.

Mizoram Baptist Mipa Pawl (MBMP) Inkhawmpui vawi 1-na leh Rorel Vawi 2-na February 10-12 chhunga Hnahthial-a neih chu tluang taka hmangin hlim takin an tiak ta.  Kumin-ah hian BMBP Rorel Vawi hnihna chu Electric North Biak Inah neih a ni a, Rorel inkhawm ah hian Mizoram hmun hrang hrang Bial leh Unit BMP aiawhin rorel palai member 446 an tel thei a ni.