February 10-12 chhung khan BCM Haulawng chuan an kum 100 tlinna Centenary lawmna leh Biak In thar hawnna Programme an hmang a,  February 10, 2023 (Zirtawpni) chawhma dar 10:30 khan Biak In Hawnna Inkhawm neiin, Rev. Dr. C. Vanlaldika, Principal, AICS-in Biak In hi a hawng a, February 11 (Inrinni)-ah Kohhran Centenary hriatrengna (Monument) Rev. R. Lalnunzira, AGS-Service-in a hawng ve leh bawk. Centenary lawmna leh Biak In thar lawmna ruai hi a hrang ve ve-in ropui takin an kilho a ni.

Vawiin, February 10, 2023 (Zirtawpni) chawhnu dar 12:30 khan Christian Hospital, Serkawn chuan kum za a tlin lawmna neih a ni a. Centenary lawmna inkhawm hi BCM Hall, Hqrs. Office, Serkawn-ah neih niin, Rev. R. Lalnunzira, AGS-in inkhawm a kaihruai a, Upa Dr. Lalramzauva, Director, Medical & Health Dept. in Hospital Report pe-in, BCM President Rev. Dr. R. Zolawma leh Mizoram Sorkar Health Minister Upa Dr. R. Lalthangliana ten thu an sawi a, Rev. Dr. R. Lalthanmawia, AGS – Mission-in Christian Hospital, Serkawn Kum 100 tlinna Souvenir a tlangzarh a, BCM Choir leh Hospital Zaipawl te an zai bawk.

February 9, 2023 (Nngani) chawhnu dar 01:30 khan BCM Publication Board Meeting, BCM Committee Room, Headquarters Office, Serkawnah neih a ni a. Meeting hi Board Chairman Rev. R. Lalnunzira, AGS-Service-in a kaihruai a. Secretary Rev. Dr. Lalzarliana, Director, Baptist Literature & Printing Department-in report pe-in thu ngaihtuah tur agenda te tarlangin a sawifiah bawk.

February 8, 2023 (Ningani) chawhma dar 11:30 khan Baptist Higher Secondary School, Serkawn-a Administrative Building sak thar chu Rev. R. Lalnunzira, AGS Service-in hawngin Pathian hnenah a hlan.

BCM Assembly thurel bawhzuina, Mizorama Chanchin Tha lo thlen dan Documentary ‘Mingo Hnuhnung’ Film chu shhoting nei turin inpeih fel a ni tawh a. February 14 hian AICS-ah he documentary film hi shooting neih tan a ni dawn a, shooting neih hma hian Pathian hnena hlanna inkhawm Pastor Thanzinga Chapel, AICS ah neih a ni ang.

Aizawl Area Baptist Choir te chuan ni February 7,2023 (Thawhlehni) tlai dar 5:30 khan FW Savidge Hall, Baptist House, Upper Khatla, Aizawl-ah  an Music Video thar - 'I rin chuan' tih hla Rbt. Lalnunpuia phuah chu an tlangzarh.

Aizawl Area Baptist Choir te chuan ni February 7,2023 (Thawhlehni) tlai dar 5:30 khan FW Savidge Hall, Baptist House, Upper Khatla, Aizawl-ah  an Music Video thar - 'I rin chuan' tih hla Rbt. Lalnunpuia phuah chu an tlangzarh.

February 1 & 2, 2023 chhung khan Asia Pacific Baptist Federation – Mission & Evangelism Committee Meeting, Kualalumpur, Malaysia-a neih-ah Rev. Dr. R. Lalthanmawia, AGS Mission chu member a nih angin a tel a.  He hunah hian ASIA chhim chhak lama rawngbawl zel dan tur te, Misson Pawl hrang hrang leh Kohhran te nena thawhho dan te thlirin hma lak zel dan tur te an sawiho a ni.

February 4 (Inrinni) khan Lungchem Pastor Bial chuan Bial chhung-a Kohhran Hruaitu - Upa leh Rawngbawltute bakah Fellowship hrang hrang hruaitu te pualin Seminar & Retreat an buatsaih a. Speaker & Resource Person atan Rev. R. Lalnunzira, AGS-Service hmangin, AGS hi Upa Lalbiakthanga Chawngthu, Circulation Manager leh Upa Vanhmingthanga, BCM Moria ten an tawiawm a ni.

February 4 (Inrinni) khan Lungchem Pastor Bial chuan Bial chhung-a Kohhran Hruaitu - Upa leh Rawngbawltute bakah Fellowship hrang hrang hruaitu te pualin Seminar & Retreat an buatsaih a. Speaker & Resource Person atan Rev. R. Lalnunzira, AGS-Service hmangin, AGS hi Upa Lalbiakthanga Chawngthu, Circulation Manager leh Upa Vanhmingthanga, BCM Moria ten an tawiawm a ni.

February 4-5, 2023 chhung khan Jampui Sakhan Baptist Mipa Pawl chuan Inkhawmpui vawi-5na Tlangsang Baptist Biak in, Jampui Tripura-ah neih an nei a. Thupui 'Tho la, i Pathian ko rawh' (Jona 1:6) tih hmang in, Speaker-ah Rev Dr.C.Vanlaldika, Principal,AICS an hmang

February 4-5, 2023 chhung khan Jampui Sakhan Baptist Mipa Pawl chuan Inkhawmpui vawi-5na Tlangsang Baptist Biak in, Jampui Tripura-ah neih an nei a. Thupui 'Tho la, i Pathian ko rawh' (Jona 1:6) tih hmang in, Speaker-ah Rev Dr.C.Vanlaldika, Principal,AICS an hmang

February 4, 2023 (Inrinni) khan MṬKP hruaitute chuan MṬKP Rorel 2023 neihna hmun tur Tuipui 'D' tlawhin an kal a. MṬKP Rorel Dawltu, Organising Committee, BCM Tuipui 'D'-te nen MṬKP Rorel an thlenna tur chungchanga thil ṭul leh pawimawh hrang hrangte sawiin meeting an nei a ni.

February 3-5, 2023 khan Lungrang Pastor Bial chuan Kohhran Upa leh Rawngbawltute pualin BCM Biak in, Siloam, New Lungrang-ah Lay Leadership Training an nei a. Training ah hian Jubilee Bible School (JBS) atangin Rev. K. Lalbiakenga, Principal, Rev. James Zorammawia, Academic Dean, Rev. PC. Vanlalmuana, Lecturer,  Rev. Lalrammuana Poonte, Lecturer ten zirtirna pe in hun an hmang

Baptist Church Orphanage (BCO) Manager Rev.H.Vanlalruata, Co-Ordinator Esther Lalremsiami, Accountant Grace Lalrindiki,  leh House Father Lalnuntluanga te chuan February 4 leh ni 5, 2023 chhung khan Champhai Bial-ah BCO Awarness Compaign neiin hun an hmang