February 4 (Inrinni) khan Lungchem Pastor Bial chuan Bial chhung-a Kohhran Hruaitu - Upa leh Rawngbawltute bakah Fellowship hrang hrang hruaitu te pualin Seminar & Retreat an buatsaih a. Speaker & Resource Person atan Rev. R. Lalnunzira, AGS-Service hmangin, AGS hi Upa Lalbiakthanga Chawngthu, Circulation Manager leh Upa Vanhmingthanga, BCM Moria ten an tawiawm a ni.

Inrinni-ah Kohhran hruaitute leh Fellowship hruaitute pualin Seminar  neih a ni a, hetah hian ‘mihring nunphung dik leh a kaihhnawih’ (ethical issue) chungchang zirho a ni a, mi 70 zet kalkhawmin, hlawkthlak an ti hle. Inrinni zan, Pathianni zing leh pathianni zanah te Bial huap inkhawm Programme hman chhunzawm a ni.  Lungchem Pastor Bialah hian Kohhran pahnih – BCM Lungchem (member 275) leh BCM Kalvari, Changpui (member 388) awmin Kohhran member 663 an awm a, Rev. Zirsangzuala Hrangchal- chu Bialtu Pastor a ni.

AGS- Service leh a rawngbawlpui te hi thawhtan February 6 khan rawn let lehin, an rawn haw kawngah hian kohhran thawktu te awmna hmun thenkhat Zawlpui, Pangtlang leh Belthei te rawn tlawh nghalin thawktu te nena inhmelhriatna hun tawi an nei nghal bawk.