February 9, 2023 (Nngani) chawhnu dar 01:30 khan BCM Publication Board Meeting, BCM Committee Room, Headquarters Office, Serkawnah neih a ni a. Meeting hi Board Chairman Rev. R. Lalnunzira, AGS-Service-in a kaihruai a. Secretary Rev. Dr. Lalzarliana, Director, Baptist Literature & Printing Department-in report pe-in thu ngaihtuah tur agenda te tarlangin a sawifiah bawk.
Secretary Report chuan BCM Publication Board hian tun hnaiah lehkhabu tha tak tak a chhuah thu tarlang a, chungte chu :-
- Kristian Zirtirna (Volume-2) - Rev. Dr. Rodinmawia Ralte ziak te,
- Kristian Vanram kawngzawh thu – (Re-Print), te
- Buaipui tham Isua – Evangelist Team Speaker te Sermon dahkhawm te,
- Kristian Theology nihphung – Rev. Dr. R. Zolawma ziak te,
- Thlarau damna – Rev. Dr. C. Lalruatthanga ziak te,
- Pathian, Mihring leh an inlaichinna (Rev.Dr.Rodinmawia ziak te –
- Nitin Paniel Hmunah - (Dr. Irene Cobert ziak) te
- Rev. Dr. Rodinmawia ziak tho – Kristian nun leh Rawngbawlna’
Tun tum Meeting-ah hian kum 2023 Beirual thuzir atan “Lalpa lo kal lehna” tih chu an thlang fel a, Lehkhabu pathum - Kohhran Upa Thuzirbu, Kohhran Lungphun (Upa Dr. Darchhawna ziak) leh Culture leh Mission (Rev. HS Lalramnghalka ziak) te chu kum 2023 BCM Assembly-a Release turin an thlang fel bawk.
