February 4, 2023 (Inrinni) khan MṬKP hruaitute chuan MṬKP Rorel 2023 neihna hmun tur Tuipui 'D' tlawhin an kal a. MṬKP Rorel Dawltu, Organising Committee, BCM Tuipui 'D'-te nen MṬKP Rorel an thlenna tur chungchanga thil ṭul leh pawimawh hrang hrangte sawiin meeting an nei a ni. MṬKP Rorel Organising Committtee hian Sub-Committee hrang hrang dinin inbuatsaihna an kalpui mek a, an in buatsaihna pawhin a vawr tawp thleng mekin, kar leh lam hi chuan engkim peih fel vek a ni tawh ang.
MTKP Rorel Inkhawm hi February 17, 2023 khian BCM BiakIn, Tuipui ‘D’-ah neih ani dawn a. Hemi atan hian MTKP Headquarters lam pawh inpeih thawkhatin Agenda leh Report te pawh an peih thawkhat tawh a ni. Rorel Dawltu Organising Committee, Tuipui ‘D’ lam chuan MṬKP Rorel hunah hian Bial leh Unit aiawha MṬKP Rorel palai tur zawng zawngte chu riak lut tur leh kal vek turin an sawm a ni.
.jpeg)
