February 1 & 2, 2023 chhung khan Asia Pacific Baptist Federation – Mission & Evangelism Committee Meeting, Kualalumpur, Malaysia-a neih-ah Rev. Dr. R. Lalthanmawia, AGS Mission chu member a nih angin a tel a. He hunah hian ASIA chhim chhak lama rawngbawl zel dan tur te, Misson Pawl hrang hrang leh Kohhran te nena thawhho dan te thlirin hma lak zel dan tur te an sawiho a ni. Mission & Evangelism Committee-ah hian member 8 awmin, APBF-Aid nen a ni khatnaah Joint Meeting an nei a, a ni hnihnaah Mission Committee hi a hranin an thukhawm leh bawk a ni.
APBF hi Baptist World Alliance-hnuaia Khawmualpui then pakhat khaikhawmtu niin, Asia ram leh Pacific thliarkar te a huam a, BWA hnuaia region lian ber niin, Independent ram 22 zet an awm a, chuta tang chuan Kohhran Inzawmkhawm (Convention) 63 atangin Tualchhung Kohhran 33,000 chuang an awm mek a ni.
.jpeg)
