Nimin,  February 17, 2023 (Zirtawpni) khan BCM Biak In, Tuipui D-ah Mizoram Ṭhalai Kristian Pawl Rorel vawi 69-na neih a ni a, Rorel Palai mii 554 ten rorelna dawhkan an kil a ni. Rorel Inkhawm hi Upa R.Lalrochama, President MṬKP-in a kaihruai a, Rev. F.Zorinkhuma, Secreatary-in Report ziaka a pek bakah  Tv. H.Lalruatkima, Finance Secretary leh Nl. J.Lalrintluangi, Treasurer ten sum hmuhna leh hman dan report ziakin an pe bawk.

Secretary Report aṭanga a lan danin tunah hian Mizoram ṬKP hnuaiah Bial 92 awmin, Unit 429 a awm a, ṬKP member 47,224 an ni mek. Kum 2022 - 2023 inkarah ṬKP member Dan puitlinga innei  tuak 456 leh Dan tea innei tuak 243 an awm thu leh kum 2022-23 chhung hian ṬKP member boral 150 (mipa 131 leh hmeichhia 19) an awm a. He'ng member thite sunna hun hi rorelna hmunah hian neih a ni. 

Finance Secretary leh Treasurer MṬKP ten report-a an tarlan danin,  kum 2022-23 chhungin ₹.49,36,630/- hmuh a ni a, ₹.4174141/- hman ral niin, balance ₹.762,489/- a ni.

MTKP Rorel hian thu pawimawh tak tak ngaihtuahin, hengte hi rorel thu pass langsar zual te an ni.
1. MṬKP Youth Centre puala fehchhuah.
2. Mizorama Ral tlante ṭanpuina pek.
3. Inzirtirna pahnih, Ruihhlo ṭhatlohzia leh Intodelh tura inzirtir.
4. Unit tin ten  Platics waste chharna hun vawikhat neih.
5. Mizoramah tun aia rorelna dik a awm theihnan MṬKP in hma lak.

Hei bakah hian kum 2023-2024 MTKP Budget ruahmanna pharhin budget pumpuiah cheng nuai 15 passed a ni a, Bial hrang hrang thawh chhuah tur (Target) semna leh Audit Statement te thlirin pawm a ni bawk.