February 18-19, 2023 (Inrinni leh Pathianni) khan BCM Recognised Evangelistic Team Speaker Meet, BCM Hall, Serkawn-ah neih a ni a. Thupuiah “Pathian Ralthuam famkimin inthuamn rawh u” tih Ephesi 6:11 chu hman a ni.

Inrinni chawhma dar 10:00 Rev. R.Lalnunzira, AGS – Service Paper ziak “BCM Thurin chhuizauna” tih chu zirhovin, chawhnau lamah Inpawlhona (Fellowship) neih a ni a. Rev. Vanlalmuankima, Director, Pastoral Ministtry Department-in kaihruaiin Pu HP Lalremtluanga, KNP Trainer-in KNP te zinga rawngbawlna’ tih thupui hmangin Presentation a nei a, sawihona leh sharing neih a ni bawk. Hlawkthlak an ti hle.

Inrinni zanah Pathian Biak Inkhawm neiin Rev. Dr. R. Lalthanmawia, AGS – Mission-in Thuchah a sawi a. Pathianni  zing Inkhawmah Lunglei khawpui-a Kohhran hrang hrangah inthen darhin an inkhawmin thuchah sawina hun pek an ni. Pathianni chawhnu-ah Plenary Session neih a ni a. Pathianni Rev. R. Lalbiakliana, General Secretary-in thuchah a sawi ang a, Inkhawm banah Meet an tiak ta a ni.

BCM hnuaiah hian Recognised Evangelistic Team 57 an awm mek a, tun tumah hian Speaker 51  an tel thei a ni. Speaker te hian hlawkthlak an tiin an kham lo hle.