BCM Assembly thurel bawhzuia, Mizorama Chanchin Tha lo thlen dan Documentary Film Communications Department in a buaipui mek ‘Mingo Hnuhnung’ chu buatsaih tan turin ruahmanna engkim peih fel a ni ta a. February 14, 2023 (Thawhlehni) tlai dar 3:30 khan Pastor Thanzinga Chapel, AICS ah Pathian hnena hlanna neih a ni.
.jpeg)
C. Lalhmachhuana, Manager, Audio Visual Production in inkhawm kaihruai in, Rev. Dr. Lalzarliana'n Documentary Film buatsaih tura Assembly in ruahmanna a siam dan leh buatsaih a nih chhan te, documentary film buatsaih dan tura ruahmanna tlangpui report a pe a. Documentary Film-a chang tur te leh buaipui tu tur inhmelhriattirna nei in Rev. R.Lalnunzira, AGS Service in Pathian hnena hlanna leh an tana tawngtaisakna hun hmangin, fuihna leh lawmthu sawina hun a hmang. Hun tawp ah Rev. Dr. C. Vanlaldika'n Malsawm tawngtaina nei in, inkhawm hmawr bawk a ni.
Documentary hlanna hun hman a nih hnu hian Film shooting hi nei tan nghalin, AICS ah bul tanin, Mizoram hmun hrang hrang leh Mizoram pawn thlenga Film shooting hi nei tura ruahman a ni.
.jpeg)
