February 14, 2023 (Thawhlehni) chawhnu dar 1:00 khan Aizawl Area Development Working Committee chuan Baptist House, Upper Khatla-ah meeting an nei a. Meeting hi Committee Chairman Rev. JC Vanlalluaia’n a kaihruai a, Secretary Rev. R. Lalrintluanga, Executive Secretary, Aizawl Area ni bawk chuan report a pe bawk.
An thurel zingah - Ramhlun Pastor Bial Inkhawmpui Rorel thuchhuak, “Aizawl khawpui chhunga Puipa nghet pualin consultation neih ni sela, a hun leh hmun, programme leh tuldangte chu Chairman leh Secretary te’n lo ruahman se tih te, ADC Working Committee hmasa-in a lo rel tawh – Baptist Multipurpose Centre, Falkland kawngpui an rem lai luah theih-a siam turin Headquarters Committee hrang hrang a paltlang hnu-ah Building hman tangkai theih tura siam chu remtih a ni a, hma lak zawm dan tur sawihovin, OB ten a tul dan ang zelin hma lo la in lo bawh zui se an ti bawk.
