Tun kar Thawhlehni, October 4, 2022 khan Headquarters Office Committee Room No. 1 ah BCM atanga Kristian Hlabu ennawn Committee te an thukhawm a. Meeting hi Upa C. Hrangdula, Committee Convener-in a kaihruai.

Director, Medical & Health Department report in a tarlan danin-  September 2022 chhungin Christian Hospital Serkawn-ah damlo 1430 in entirin, an zinga 267 admit an ni a, nau piang 44 an awm lai in mitthi 10 an nei thung.

October 5, 2022(Nilaini) khan Aizawl Area TKP Meet neihna tur Pandal sa in Aizawl khawpui chhunga ȚKP Member ten hnatlang runpui neih a ni a, Hnatlangah hian Pastor Bial 10 atangin TKP member 231 an thawk chhuak a ni.

October 5, 2022 (Niali) khan BCM Seling Kohhran chuan an kohhran din champhaphak Kum 25-na (Silver Jubliee) an lawm a. Rev. R. Lalrintluanga Executive Secretary Aizawl area chuan Jubilee hawnna leh tawngtaina neiin, Jubilee dar vuakna neih chhunzawm a ni.

Tunkar Nilaini, October 5, 2022 khan Bible Society of India, Lunglei North buatsaihin BCM Hall, Serkawn-ah Collectors te pualin Seminar buatsaih a ni a. Resource Person atan Rev. Dr. Raltawnga Chhakchhuak leh Rbt Lalzuithanga Khiangte, Asst.Secretary, BSI, Lunglei North Branch te hman an ni a, Lunglei North huam chhunga Bible Society Collectors te an kal tha hle.

#Arunachal East Field, Riga Biak In thar chu Field Director in a hawng. #Nari Cicle women Dept Join Fellowship hmasa ber neih a ni #Madhya Assam Baptist Christian Thalai Pual Camping neih a ni. #Mishing area ah UMBC Youth sport and cultural meet an hmang. #Pu Rosanglura Fanai lehkhabu ziak tlangzarh a ni.

October 5, 2022 khan Relief & Development Department –in Christian Medical College, Pathipuram, Andra Pradesh-a General Nursing & Midwifery (GNM) zir tura lak mi 10 te leh  GTR College of Nursing, Kakinada, Andra Pradesh-a B.Sc (Nursing) zir tura a lak mi 3 te Orientation neihpui an ni.

September 30 atanga October 2, 2022 chhung khan ‘Thalaite mamawh, Isua’ tih thupui hmangin Mizoram pum huap, Police Kohhran Thalai Pawl Inkhawmpui vawi 8-na chu 2nd Bn MAP Biak In, Lungmual, Lunglei-ah neih a ni. Speaker-ah Rev. R. Lalnunzira, AGS Service hman a ni.

ṬKP Khumtung Pastor Bial tlawhin Ni 1-2 october, 2022 chhung khan MTKP hruaitu te an fehchhuak a.  Bial ding tir an nih avang leh an bial dinhmun hmuh pui tura MṬKP hruaitute an sawm angin- Upa R. Lalrochama-President, Nl. J.Lalrintluangi-Treasurer  leh Tv. H.Lalruatkima-Fin.Secretary te  an kal.

September 29, 2022 khan BCM Gilead Diltlang ten R&D Department an sawm ang in Thiam thil inzirtirna neiin Pangpar Khawi training neih pui an ni a. Resource Person ah Nl. K. Biakengi hman a ni a, Training-ah hian mi 24 an kal.

Vawiin, October ni 4, Thawhlehni chawhnu dar 2:30 khan Communications Department, Audio Visual Production Studio, Baptist House Aizawl-a buatsaih chu Rev. Dr. Lalzarliana, Director Communications Department in a hawng.

September ni 29, Ningani khan Mizoram Synod hruaitute chuan BCM Headquarters Office tlawh in BCM hruiatu te nen inkawmhona hun an nei a. Tun tum Synod hruaitu te hian hun engemawchen atanga kohhran pawl pahnih ten an lo sawidun thin tawh Mizorama kohhran pawl hrang hrang te chak zawk leh awmze nei zawka thawhhona leh inzawmna chungchang te rawn lenpui in an sawiho a ni.

#Relief & Development Department hnuaia IPED project leh District Mental Health Programme te thawhdunnain, Kolasib Vengthar-ah Rilru Hrisel inzirtirna an buatsaih. #Relief &Development Department-in Kolasib a Self Help Group te pualin Cake siam Training buatsaih a ni. #Relief &Development Department-in MRB Rural Self Employment Training Institute te nen a tang kawpin Ni 10 awh Pa khawi Training buatsaih a ni.

September 23 - 25, chhung khan ṬKP Shillong Pastor Bial Inkhawmpui vawi 32-na leh Rorel vawi 4-na, BCM Biak In, Shillong-ah neih a ni a. Thupui atan "Lalpa lawm tlak rawngbawlna"(Joshua 24:14a) tih hman a ni.

September 23 - 25, chhung khan ṬKP Shillong Pastor Bial Inkhawmpui vawi 32-na leh Rorel vawi 4-na, BCM Biak In, Shillong-ah neih a ni a. Thupui atan "Lalpa lawm tlak rawngbawlna"(Joshua 24:14a) tih hman a ni.