September 23 - 25, chhung khan ṬKP Shillong Pastor Bial Inkhawmpui vawi 32-na leh Rorel vawi 4-na, BCM Biak In, Shillong-ah neih a ni a. Thupui atan "Lalpa lawm tlak rawngbawlna"(Joshua 24:14a) tih hmang in, Speaker atan Rev.F.Zorinkhuma, Secretary-MṬKP hman a ni. Speaker bak ah hian MTKP hruaitu te Pu K.Lalawmpuia, Asst.Secy leh Joseph B.Zirsangzuala, Executive Committee Member te an tel a. Lawngtlai East Pastor Bial Zaipawl ten inkhawmpui chhung hian rawngbawlna nei in hun an hmang thin bawk.
September 23, Zirtawpni chawhma dar 10:30-ah 'Ṭhalaite mawhphurhna - Zirna leh rawngbawlna' tih thupui hmangin workshop neih a ni a. Resource person atan Gospel Lallawmzuali (Research Scholar-MZU) ṬKP Bethlehem Unit, Aizawl hman a ni. Zan aṭangin vantlang inkhawm neih a ni a, Inrinni nilengin Bial rorelna neih niin kum 2022-2023 Budget atan ₹99,000/- pawm a ni.
Pathianni tukah vantlang inkhawm neih a ni a, chawhnu ah fellowship hman niin, Bial rorel in a pass anga kum 2021-2022 chhunga Bial ṬKP member Bible chhiar chhuakte hnenah lawmpuina pek an ni. He hunah hian Unit hrang hrang te quiz hmanga inelna buatsaih a ni a. MṬKP aiawha inkhawmpui hman pui tu Pu K.Lalawmpuia, Asst.Secy MṬKP, chuan fuihna thu tawi a sawi bawk.
Inkhawmpui chhim tura sawm an nih angin Jampui Sakhan ṬKP hruaitute chuan he inkhawmpui hi an hman pui a, JSṬKP member Nl.Lalbiakzuali'n inkhawm apiangin zaia rawngbawlna a nei bawk.
ṬKP Shillong Pastor Bial-ah hian member 363 (hmeichhia-198, mipa 175) awmin, Unit pali, ṬKP Diphu Unit, ṬKP Guwahati Unit, ṬKP Madanrting Unit, ṬKP Shillong Unit te an awm mek a ni.
