Seminar hi chawhma dar 10:30 ah tanin Session hnihah then a ni a. Chawhma hun hi Rev. C. Darkhuma, Vice President, BSI Lunglei North Branch in kaihruaiin Pathian hnenah inkawltirna leh hunserh a hmang a. Secretary, BSI - Lunglei North Brach in Report tlangpui pe-in, Pi K. Rualchhawnzovi, Ramzotlang, Serkawnin fakna hla a sa a. Resource Person Rev. Dr. Raltawnga Chhakchhuak-in BSI rawngbawlna tih thupui hmanga Paper a buatsaih chu zirho a ni.

Chawhnu lamah Upa Pc Sangthuama, Treasurer, BSI, Lunglei North Branch-in a kaihruai a, Pi Lallawmzuali Ngente, Rahsivengin fakna hla sa-in Resource Person Rbt. Lalzuithanga Khiangte –in ‘Bible Society leh Collector mawhphurhna’ tih a ziak chu zirho a ni a. Zawhna leh chhanna bakah Sawihona te neih a ni a, Pu R. Hmingliana, Vice President, BSI Lunglei North Branch in Tawngtaiin Seminar hi a khar a ni.