Tunkar, Thawhtanni, October 17, 2022 atanga tanin, October 21, ZIrtawpni thleng awh tur Probationary Pastor, Kum thumna hmang mek, mi 5 te chu BCM Headquarters Office, Serkawn-ah Ministerial Training neihpui an ni a.Minsterial Training hi Department hrang hranga hotuten neihpuiin zirtirna an pe a ni.

BCM Assembly-in 'Mizorama Chanchin tha lo luh dan Documentary Film siam ni se' ti a a rel bawhzuina kal zelah October 14, 2022 Zirtawpni khan Documentary Film Sub.Committee thutkhawm vawi 5-na neih a ni a, hmalak dan tur an ruahhmanna an thlir ho.

October 14-16, 2022 chhung khan Lunglei Area Bru Mission hnuaia thawktute pualin intuatharna (Bru Mission Workers’ Retreat) Baptist Mission School, Zawlpui-ah neih a ni a. He hunah hian Rev. Lalremsiama ralte, Mission Director chu Speaker atan hman a ni a. Speaker hi Pu lalthankunga Sailo, UDC, leh Pu T. Lalnghakliana, Driver. Headquarters Office ten tawiawmin anni bakah hian Nl. LH Liandingpui'n zaia rawngbawlin a tawiawm bawk.

Asia Baptist Women's Union buatsaih Young Women's Leadership Conference chu October 16-19,2022 chhungin Chiang Mai, Thailand ah neih a ni a. India Baptist Women Union (IBWU) kaltlangin MBKHP pawh seat 5 pek ve an nih angin Lalhmingmawii Chongthu (MBKHP Secretary), Lalramthianghlimi (KNP Promoter)   Lalrammawii Thangluah (Asst.Archivist), C. Lalawmpuii (Asst.Project Manager, Chhawmdawlna In) leh Deborah Zonunpuii (Asst.Prof HATIM) te an kal a ni.

October 17, 2022 (Thawhtanni) zan khan Kum 2022-2025 Aizawl Area Baptist Choir music video hmasa ber tlangzarhna hun hman a ni a, Upa Biakchhunga Aizawl Area Music Committee member in kaihruaiin, Aizawl Area Baptist Choir conductor V. Ramdina'n music video siam a nih dan leh a hla chungchangte sawi in hun a hmang a. Rev. R. Lalrintluanga Executive Secretary Aizawl Area in music video hi a tlangzarh a ni.

Academy of Integrated Christian Studies (AICS) chuan October ni 18 (thawhlehni) khan an kum 22 na lawmin Pathian hnena lawmthu sawina hun an hmang a. Zing karah AICS zirlai leh thawktu te bak ah AICS campus chhungkaw member te campus leh a chhehvel tifai in an hnatlang a. Chhun lamah Student Christian Movement of India, AICS unit te huaihawtin 'fun-fair' neih a ni a, intihhlimna chi hrang hrang buatsaih ani a. Tlai lamah ruai kilho a ni bawk.

Nimin, October 18, 2022 khan Communications Department Committee Meeting neih a ni a, meeting hian Audio Visual Production-a thawk tur Production Assistant (contract) pakhat a la.

October 15, 2022 (Inrinni) khan BCM Biak In, New Siaha ah Lawngtlai Area TKP Co-ordination Committee buatsaih, Lawngtlai Area TKP Meet, 2023 Logo chu Siaha East Bialtu Pastor Rev. Lalchhuankima'n a tlangzarh.

North East India Christian Council hnuaia Kohhran hrang hrang inthlunzawm te chuan kum tina an tih thin ang in, tunkar Pathianni, OCtober 16, 2022 hian 'NEICC Tawngtai Ni' (NEICC Day of Prayer) a hmang dawn a. He ni denchhen hian NEICC member kohhran pawl hrang hranga Pastor te leh thusawi rawngbawltu engemawzat te pawh mahni kohhran ni lo, Kohhran pawl dang ah thusawi rawngbawlna nei in an in kal thelh dawn a ni.

October ni 12-14 chhung khan, St. James Higher Secondary School, Gongrai ah Tripura Field-a thawktu te pual in Retreat buatsaih a ni a. Retreat ah hian Rev. Dr. R. Lalthanmawia, Associate General Secretary (mission) chu speaker-ah hman a ni.

BCM Calendar leh Diary buaipuia Kolkata-a kal Director Communications department Rev. Dr. Lalzarliana chu tunkar nilaini October ni 12 khan Lunglei a lo thleng.

October ni 12, 2022 Nilaini khan LPS leh ZONET a Kohhran hrang hrang TV Programme nei thin te LPS Office zarkawt ah thutkhawmna neih a ni a, he hunah hian BCM aiawhin C. Lalhmachhuana, Manager, Audio Visual Production a tel.

Tunkar Nilaini, october ni 12 khan BCM Biak in thar, Ebenezer, Zobawk chu General Secretary Rev. R. Lalbiakliana'n a hawng a. Biak In Hawnna hun hi biak in pawn ah neiin, General Secretary in a hawn zawh hian Pathian hnena hlanna a nei zui nghal a. Hemi hnu hian Pathian Biak inkhawm neih chhunzawm nghal a ni.

Tun kar Thawhlehni, October 4, 2022 khan Headquarters Office Committee Room No. 1 ah BCM atanga Kristian Hlabu ennawn Committee te an thukhawm a. Meeting hi Upa C. Hrangdula, Committee Convener-in a kaihruai.

September 30, 2022 (Zirtawpni) khan Baptist Church Trust Association (BCTA) Annual  Meeting, New Delhi-ah neih a ni a. He pawl-ah hian BCM chu member a nih angin General Secretary, Rev. R. Lalbiakliana leh Rev. K. Vanlalmuana, Field Director, North India Mission te an tel.