October 29, 2022 (Inrinni)  khan Rev. R. Lalrintluanga, Executive Secretary, Aizawl chuan  BCM Biak in Tanhril, Aizawl chu hawngin Pathian hnenah a hlan a.  Biak In thar hawnna Inkhawm hi Rev. T. Lalawia, Luangmual Bialtu Pastorin kai hruaiin, Tualchhung Kohhran Secretary Upa Vanrosanga hnen atangin Biak In sak dan leh Kohhran dinhmun tlangpui report ngaihthlak a ni.

October 28-30, 2022 chhung khan “Thalai Huaisen” tih thupui hmangin Aizawl Area TKP Meet 2022 chu Baptist multipurpose Centre, Falkland, Aizawlah neih a ni a. Speaker-ah Rev. JC Vanlalluaia, Chairman, ADC, Rev. R. Lalrintluanga, Executive Secretary, Aizawl leh Rev. F. Zorinkhuma, Secretary MTKP te hman an ni.

Tunkar Ningani, October 27,2022 zing dar 10:30 khan BCM Assembly 2022 in a lo phal sak tawh angin Christian Hospital, Serkawn-a hman tur Motor thar Pathian hnena hlanna, BCM Headquarters Office kawt-ah neih a ni a. Motor thar hlanna hunah hian Er. Victor Lalrinawma Sailo chuan Motor thar lei dan report tawi pe-in – Motor man atan Assembly-in a passed chu cheng nuai 11 a ni a. Tuna Motor lei thar hi Bolero B6 model niin Registration tihfelna te nen cheng nuai 10, sing 9, sang 9 leh 705 hman a nih thu a tarlang.

Tunkar Ningani (October 27, 2022) chawhma dar 11:00 khan Sap Upa leh Pu Buanga Hall, Serkawn-ah Fellowship Department Committee Meeting neih a ni a. Meeting hi Rev. Dr. Zolawma, President, BCM-in a kaihruai a. General Secretary Rev. R. Lalbiakliana bakah Department Director Rev. ZD Rodingliana ten Report khaikhawmna leh Committee member te tana hriat tur pawimawh te an sawifiah a. MBMP, MTKP, MBKHP Secretary ten ziakin report an pe theuh bawk.

October 25, 2022 Thawhlehni-a Social Concern department committee meeting neih chuan Baptist Counselling Centre (BCC) leh tualchhung kohhran hrang hrang counselling centre nei te thawhho leh inzawm dan tur ruahmanna thlirin a pawm a. Department lamin ruahmanna hi umzui tura tih a ni.

October 25, 2022 (Thawhlehni) zan khan Aizawl Area Development Working Committee Joint Meeting vawi 1-na chu Aizawl area a. FW.Savidge hall upper khaltla ah neih a ni a, he hunah hian Aizawl Area Development Working Committee, Aizawl Area BMP Coordination Committee, Aizawl Area TKP Coordination Committee leh Aizawl Area BKHP Coordination Committee hruaitu te an tel a ni.

October 24, 2022 (Thawhtanni) khan  Siaha Youth Centre, Siaha ah Siaha East Pastor Bial Thalai Kristian Pawl rorelna in a lo pawm tawh angin Tawngtai Bethel neih a ni a. He hun hi Rbt. Lalnunkima Pisa, President Bial TKP in kaihruaiin Pathian thu - Johana 3:16 a chhiar in tawngtai bethel hmang tura thalai member kalkhawm te fuihna tawi a nei a, a thlawna SYC hmantirtu ECM KTP Hqrs. te chungah lawmthu a sawi bawk.

October 24, 2022 khan BCM Biak In, Shillong ah Thalai Kristian Pawl Unit, Shillong Unit te buatsaih in 'English Service' hman a ni a, Rev.Dr.Ramengliana, Secretary North East India Christian Council chuan Pathian thuchah sawiin hun a hmang.

Lengpui Pastor Bial TKP te chuan Ni. 21 - 23 Octorber, 2022 chhung khan BCM Biak In Sihhmui ah Bial TKP Meet Cum Crusade hun an hmang. He hun ah hia Rev. R. Lalrintluanga Executive Secretary Aizawl Area chu Speaker ah hmangin crusade hun hman a ni.

October 21-23, 2022 khan BCM Zohnuai East chuan an kum 10-tlinna Anniversary lawm nan Crusade an buatsaih a. Jubilee Crusade Speaker-ah Rev. Dr. Lalzarliana, Director Communications Department an hmang.

Baptist Masihi Mission hmalakna-in Cherhlun leh Thingsai inkara Lobour Camp-ah rawngbawlna neih a ni. Baptist Masihi Mission chuan October 12-14 leh ni 20-23 chhung khan Cherhlun leh Thingsai inkar labour camp ah crusade an nei a. Pathian khawngaihna leh Kohhran hote țawngțaipuina changin mi 13 laiin Baptisma changin  Lal Isua an rinna an puangchhuak. Kuminah hian ringthar 209 kan nei ta a ni.

Administrative Committee October 26, 2022-a thukhawm chuan Baptist Church of Mizoram hnuaia thawk turin a hnuaia hming tarlante hi a la thar.

Nimin, October 20, 2022 (Ningani) tlai dar 2:00 khan Baptist Printing Press Serkawn-a hman tur, Cutting Machine thar chu Pathian hnena hlanna neih a ni a. Khawlthar hlanna hun hi Rev. Dr. Lalzarliana, Director, Literature & Printing Department-in a kaihruai a, khawl thar neih a nih dan report Upa K. Lalnuntluanga, Manager, Baptist Printing Press hnen atangin ngaihthlak a ni.  Khawl thar hi Rev. R. Lalnunzira, AGS-Service-in hawngin Rev. Dr. R. Zolawma, President, BCM-in Pathian hnenah a hlan.

Mizoam Baptist Kohhran Pastoral Ministry Department leh AICS tangkawp in a buatsaih thin Pastors' Refreshers Course chu October 18 atang khan AICS ah neih a ni a. He Refresher Course-ah hian Pastor thawk lai mi 9 thlan niin, damlohna avangin pakhat a tel thei lo va, mi 8-in Refreshers Course hi an zawm a ni.

Vawiin, October20, 2022 chawhma dar 11:00 khan Literature & Printing Department Committee Meeting, Sap Upa & Pu Buanga Hall, Serkawn ah neih a ni a.. Meeting hi Rev. Dr. R. Zolawma, President-in kaihruaiin Committee Sectretary Rev. R. Lalnunzira, AGS Service leh Department Director Rev. Dr. Lalzarliana ten Report tlangpui an pe.