October 21-23, 2022 khan BCM Zohnuai East chuan an kum 10-tlinna Anniversary lawm nan Crusade an buatsaih a. Jubilee Crusade Speaker-ah Rev. Dr. Lalzarliana, Director Communications Department an hmang.
Zirtawp zanah Anniversary lawmna leh Crusade Programm hi tannin, Bialtu pastor Rev. R. Thanmawia’n Anniversary Souvenir a tlangzarh a. Speaker-in thuchah sawiin Bial Zaipawl, Kohhran Zaipawl leh Malzai te ngaihthlak a ni bawk. Inrinni zan, Pathianni zing leh Pathianni zan-ah te Pathian Biak Inkhawm neiin hengah hian Speaker thuchah bakah Bial Zaipawl, Tualchhung Kohhran Zaipawl ten fakna hla remin, Pathianni zing inkhawmah BCM Choir ten fakna hla an rem bawk. Crusade chhung zawngin Speaker thuchah tha tak tak ngaihthlak thin a ni a, Kohhran ten an hlutin hlawk thlak an ti hle.
BCM Zohnuai East hi kum 2012 khan BCM Zohnuai atanga indangin Serkawn pastor Bial-ah an awm a. BCM inchhiarna-in a tarlan danin tun dinhmunah Kohhran chhungkua 116 awmin, Kohhran member 566 an awm mek a ni.
