Nl. T. Lalfawnveli, Asst.Coordinator, R&D-in tanna hun hmangin, Inhmelhriattirna leh hun hman dan tur te a tarlang a. Rev. R. Lalnunzira, AGS – Service-in Pathian hnena inkawltirna neiin nurse training turte fuihna thu a sawi. Rev. L. Vanlalsanga, Director, R&D chuan Nurse zir tura lak hnenah Pathian rawngbawlna atana an zirlai te tha taka zir tur leh a hrehawmah pawh chhel taka tuar a, theih tawp chhuah turin a fuih a, hlawhtlinna chang ngei turin duhsakna a hlan bawk. Pu Lalrinawma, Coordinator, R&D pawhin an zirna tur atana hriat tur hrang hrang te sawiin an zirna hmun tur College leh khawpui chanchin tlangpui a kawhhmuh a. Hlawhtlinna an chan ngei a beisei thu a sawi bawk.
Hemi zawh hian zawhna leh chhanna hun te neiin, an hriat tur pawimawh leh tangkai tak tak sawihona neih a ni a. Rev. L..Vanlalsanga’n Tawngtaina-in he hun hi a khar a ni.
CMC Pithapuram-ah hian Relief & Development chawm leh tirh-in Batch engemawzat tirh an lo ni tawh a, heng zingah hian zirlai zo a, hna thawk leh eizawn nana hmang pawh an awm mek tawh a ni. Tun ah hian R&D Sponsored-in CMC Pathipuramah hian GNM zirlai mizo hmeichhia 35 batch hrang hrang-ah an awm mek a ni.
