Christian Education Deparment ruahmanna angin March 18 leh 19 chhung khan Pastor bial hrang hrang leh Tualchhung Kohhran ah te Sunday School Seminar leh Training hetiang hian neih a ni a:-

March 18-19, 2023 chhung khan  BKHP Damdep-II Unit, Damdep Pastor bial chuan  BKHP din champhaphak vawi 50-na (Golden Jubilee) an hmang a. Jubilee thupuiah – ‘Rintlak Pathian’ tih hmangin, Spekar-ah MBKHP Secretary, Nl. Lalhmingmawii Chongthu an hmang.  Speaker bakah hian MBKHP hruaitute atangin - Executive Committee member pahnih – Pi ZD.Vanlaldiki leh Pi C.Sapsangi ten Jubilee hi an hmanpui bawk.

March 19, 2023 (Pathianni) khan Communications Department chuan Lunglei East ABC chhunga tualchhung Kohhran hrang hrang 5-ah Communication & Literature Campaign Campaign hetiang hian an nei.

Rev R Lalnunzira AGS (Service) chuan March 17, 2023 khan Bethel Kohhran, Haulawng-ah Upa leh Rawngbawltu leh Fellowship hruaitute pualin Leadership Training a neih pui a. Kal thei mi 70 zingah mi 56 zet an kal. March 18, Inrinni khan TKP Ramzotlang Unit Hruaitute pualin Leadership Training Jubilee Bible School Serkawnah a neihpui bawk a, hetah hian mi 37 kal tura beisei atanginh mi 30 an kal khawm a, hlawk takin hun an hmang a ni.

March 17 - 19, 2023 chhung khan Thalai Kristian Pawl, Siaha East Pastor Bialte chuan BCM Biak In, Siahatla-ah Inkhawmpui vawi 9 na leh rorel vawi 27-na an nei a, Inrinni-ah rorelna neiin, Rbt. Lalnunkima Pisa, President in a kaihruai a, an thu rel zingah-  Ram ngaw humhalh nan leh tuihna humhalh nana thingphun te, District Hospital, Siaha-ah Bial TKP hminga thilpek leh Missionary support atana sum dah tihte a tel a, budget atan Rs. 129500/- an pawm. Kum 2023 - 2025 chhung atan Bial TKP hruaitu tur hetiang hian an thlang a:-

March 18, 2023 Inrinni khan TKP, Lawngtlai East Pastor Bial te chuan Kum 2022 a Bial TKP rorel ‘Vantlang tan Ni khat thil tha tih’ tih thu bawhzuiin hnatlang an nei a. He hunah hian Lawngtlai khawpui tui lakna leh chawmtu ber Chengkawl lui hnar leh Chengpawngli tihfai hnatlang an nei a, Bial TKP President Rbt Jessy Lalchhandama'n hnatlang tura thawkchhuak member te fuihna neia tawngtaina hun a hman hnu in hnatlang hi tan a ni a, bial chhung unit TKP member ten an ngaipawimawhin, mi 100 chuang zet an thawkchhuak a ni.

March 18 - 19, 2023 chhung khan ṬKP Serchhip Pastor Bial chuan Fakna Inkhawm BCM Biak In, Serchhip ah an nei a. MṬKP Secretary Rev. F. Zorinkhuma Speakerah hman niin, Executive Committee Member - Pu P.C. Lalbiakdika leh Tv. Lalremkima te bakah BCM Zion Kohhran Zaipawl, Ramthar, Lunglei ten an tawiawm. Fakna inkhawm ah hian Zorema Khiangte pawh sawm a nih anga tel in, a ni bak ah hian Bial chhunga Zaithiamte leh Bial chhung Kohhran Zaipawlte nen he Fakna Inkhawm hi hman a ni.

March 18 - 19, 2023 chhung khan ṬKP Serchhip Pastor Bial chuan Fakna Inkhawm BCM Biak In, Serchhip ah an nei a. MṬKP Secretary Rev. F. Zorinkhuma Speakerah hman niin, Executive Committee Member - Pu P.C. Lalbiakdika leh Tv. Lalremkima te bakah BCM Zion Kohhran Zaipawl, Ramthar, Lunglei ten an tawiawm. Fakna inkhawm ah hian Zorema Khiangte pawh sawm a nih anga tel in, a ni bak ah hian Bial chhunga Zaithiamte leh Bial chhung Kohhran Zaipawlte nen he Fakna Inkhawm hi hman a ni.

Financial Year 2022 – 2023 chu  Pathian  hruainain  kan  lo  hmang zo  tep  ta  a,  hemi chungchangah hian Tualchhung Kohhran tinte Pastor Bial kaltlanga Target kan thehluh hun chungchangah a hnuaia tarlan ang hian ngenna siam a ni:

Lunglei Municipal Council hruaitu turte inthlanna (election) hmasa ber March 29, 2023-a neih turah Mizoram Baptist Kohhran chuan a hnuaia tarlan ang hian thuchah a siam:

March 13-14 chhunga neih Baptist Church Trust Association, hnuaia Hmeichhe pawl - Sankalp Women Alliance for Action on Ground (SWAAG)te chuan Bhubaneshwar, Odhisa-ah Annual Meeting an nei a.  He Meeting-ah hian BCM aiawhin Thawktu pahnih – Nl. Lalrammawii Thangluah, Asst.Archivist leh Nl. C. Lalawmpuii, Counsellor, Chhawmdawlna In te an kal. Anni pahnih hi BCTA-Women Wingah hian Executive Committee member an ni nghe nghe a ni.

March 13-17, 2023 chhung hian Pastoral Committee leh Mission Board  ten Transfer & Posting 2023 an siam thar angin Mission Field Director atana ruat thar te leh Mission School Headmaster atana ruat thar te chu Headquarters Office, Serkawn-ah Orientation neihpui an ni a. Resource Person-ah Rev. Dr. R. Lalthanmawia, AGS-Mission, Rev. Lalremsiama Ralte, Director – Mission Department, Pu T. Nghaksanga – Mission Promoter, Upa  K. Lalrohlua – Directror, Finance & Pension Department te hman  an ni.

Mizoram BMP Inkhawmpui 2023 thawhlawm, HATIM tanpui nana an pek atangin HATIM chuan Computer Set 10 an lei a. Heng Computer te Pathian hnena hlanna leh Lawmthusawina March 15, 2023 (Nilaini) chhun dar 12:00 khan HATIM Computer Laboratory- room ah neih a ni.

March 10-12 chhunga Mizoram Presbyterian Kohhran Hmeichhe Inkhawmpui lian vawi 50-na, Darlawn-a neihah MBKHP aiawhin Dr. Zoramthangi, Finance Secretary leh Rbt Ngurmawii, Executive Committee member te chu palai tura ruat an nih angin an kal a, MBKHP aiawhin chibaibukna leh MBKHP Report tlangpui an pe a, March 11 (Inrinni) ah Inkhamwpui Rorel an telpui bawk. Presbyterian Hmeichhe Inkhawmpui lian-ah hian Rorel Palai hi mi 894 niin, Inkhawmpui-ah hian mikhual 10,060 an kal a, thupuiah “Pathian nena lendun” tih Mika 6:8  chu hman a ni.

Mizoram Baptist Kohhran Assembly vawi 127-na neih mekah, vawiin March 12, 2023 (Pathianni) zing dar 10:00 khan nemnghehna inkhawm (Ordination Service) neih a ni a, mi 5 Minister atan nemngheh an ni a. Nemnghettu (Presiding Minister) hi Rev. KV Thanga, President niin, Rev. Vanlalmuankima, Director, Pastoral Ministry Department-in nemngheh te hmelhriattirna neiin, an ni hnen atang hian an chanchin tlangpui leh lawmthusawina ngaihthlak a ni. Minister nemngheh te tana tawngtaisakna Rev. Dr. K. Lalrinthanga’n a nei a, nemnghehna inkhawm-ah hian BCM Choir leh Lunglawn Pastor Bial Zaipawl ten fakna hla sa a rawngbawlna an nei bawk. Minister atana nemngheh te leh an awmna bial tur chu heting hi a ni:-