March 28, 2023 (Thawhlehni) khan BCM Relief & Development Department thawktute chuan Zawlpui, Tuisenchhuah leh Bolia-ah te kalin, Huan leh lo neitute hnenah Fur laia thar theih thlai chi, chi hrang hrang an sem

March 24-26, 2023 chhung khan Bial TKP leh Bial Worship Committee, Thingfal Pastor Bial bultumin BCM Biak In, Thingfal-ah Fakna Inkhawmpui leh Sport meet neih a ni a, Zirtawp zan aṭang in Inkhawm leh, Inkhawm ban ah Fellowship neih ṭhin a ni a, Inrinni nilengin khelmual lamah infiamna chi hrang hrang hmanga inelna neih a ni.

Ṭhalai Kristian Pawl, Mualṭhuam Nort Pastor Bial chuan March 25-26, 2023 khan  Pu K. Lalawmpuia Asst Secretary MṬKP Speaker a hmangin BCM Biak in, Sekhumah TKP Meet an nei a, Thupuiah ‘Tunlai thil awmzia’  Rom 13:11 thu hman a ni.

BKHP Hnahthial South Pastor Bial chuan March 25-26, 2023 khan BCM Biak In Model Hnahthial-ah Retreat leh Seminar an nei a. MBKHP Hruaitu te an sawm angin; Nl Lalhmingmawii Chongthu, Secretary, Asst.Secy Pi V.Biaklawmi leh Pi Zohmangaihi, Executive Committee member ten he hun hi an hmanpui.

March 26, 2023 (Pathianni) khan Communications Department chuan Lunglei South ABC huam chhunga tualchhung Kohhran hrang hrang-ah  Communication & Literature Campaign Campaign nei in hetiang hian hun an hmang.

March ni 25 leh 26 hmang khan Lawngtlai ‘S’ leh Phawngpui West Bial-ah te Sunday School Training & Seminar hetiang hian neih a ni. #Lawngtlai South Pastor Bial Sunday School Seminar hi BCM college veng-ah neih a ni a, Resource person-ah Rev. ZD Rodinglana, Director, Christian Education Department leh Rbt B. Singpari, Sunday School Promoter hmangin, Nl. Vanlalpeki, Hnahthial Bazar in zaia rawngbawlin a tawiawm bawk.

March 25-26 chhung khan Chawngte Pastor Bial leh Thenhlum Pastor bial ah Kohhran hruaitu Seminar hetiang hian hman a ni. #Chawngte East Pastor Bial in BCM Biak In, Shaloam, Chawngte ‘P’-ah Seminar hi an nei a. Resource Person-ah Rev. Vanlalmuankima, Director, Pastoral Ministry Department hmangin Upa Biakchungnunga, Office Superintendent-in a tawiawm bawk.

Academy of Integrated Christian Studies (AICS) chuan March 31, 2023 khian zirlai pass chhuakte tirhchhuahna leh thlahna Valedictory Service vawi 21 na chu Pastor Thanzinga Chapel, AICS-ah an hmang dawn

ȚKP Republic Vengthlang Pastor Bial Rorelna-in a lo pass leh ruahmanna a siam angin March 26, 2023 (Pathianni) chawhnu khan TKP Salem Veng Unit-ah Cyber Crime Awareness neih a ni a, member kal pawh an țha-in hun țha takin an hmang a ni.

Assembly 2022 Rorelna-in Christian Hospital, Serkawn-a hman tur, motor hlui hralh a, a thlakna tur motor thar lei a lo remtih tawh angin, Motor thar - Bolero Camper-ZX (Double Cap) chu lei fel a ni a. March 24,2023 (Zirtawpni) zing dar 10:30 khan Motor thar Pathian hnena hlanna Programme tawi neiin, General Secretary, Rev. R. Lalbiakliana’n a kaihruai a. Director, Property Department - Er. Victor Lalrinawma Sailo-in report tawi a pek hnu-ah Rev. Dr. Lalzarliana, Director, Communications Deparmtent-in tawngtaiin Pathian hnenah a hlan.

MṬKP-in Voluntary Blood Donation Calendar siam angin March 25, 2023 (Inrini) khan ṬKP Zotlang Pastor Bial, Lunglei te chuan Kristian Hospital. Serkawn-a hman atan Thisen unit 20 an pe. Thisen pekna hi Rev. Zathanga Hall, BCM Zotlang North-ah neih a ni a, Christian Hospital Serkawn Blood Bank-a thawktute kalin an la a ni. Thisen pe tu te hi Mipa 15 leh hmeichhia 5 an ni.

ṬKP Thenzawl  Pastor Bial  te chuan ni Bial TKP din champhaphak vawi 25-na (Silver Jubilee) chu March 21, 2023 ( Thawhlehni ) khan Bial pum huapin BCM Biakin Bethlehem Thenzawl-ah an lawm a, Jubilee thupuiah "Min Hruaitu Lalpa" tih thu hmangin, Speaker-ah Rev. David Lalmalsawma Sailo, Bialtu Pastor hman a ni.

March 17 leh 18, 2023 (Zirtawpni leh Inrinni) khan Higher & Technical Institute, Mizoram (HATIM) chuan Thalaite thiam thil haichhuahna leh phochhuahna atan HATIM Campus, Kawmzawl-ah Hill-Fest an buatsaih a. Zirlaite leh thalai te, naupang ten an hlutin tlawhtu leh chhimtu an thahnem hle.

March 21, 2023 (Thawhlehni) khan Mizoram Baptist Mipa Pawl (MBMP) Executive Committee Meeting chu Sap Upa leh Pu Buanga Hall, Serkawn-ah neih a ni a. Meeting thurel zingah – kum 2023 BMP Day thawhlawm chu AICS tanpui pek ni se tih te, MBMP Rorel thu pass angin Rampum huapa tawngtai rual chu BMP Day, May 4 zan inkhawm hunah Unit tinah neih ni se tih te, Environment humhalh kawnga hmalak chungchang te relin a bawhzuitu tur sub.committee an din a, kum 2024 BMP thuzir atan BCM thurin puan chhuah’ tih chu an thlang a, MBMP Rorel-in a passed,BMP Chanchinbu kum khata vawi 4 tih chhuah tur atan Editorial Board member tur an ruat nghal bawk.

#ṬKP Lawngtlai North Pastor Bial chuan March 14-17, 2023  chhung khan BCM Biak In Hruitezawl-ah Work Camp neiin, Biak In bang Brick rem leh Tukverh Chokut te siamin hun an hmang a. Work Camp ah hian mi 25 (mipa 20 leh Hmeichhia 5) kal in, tluang takin an hnathawh tura ruahman te thawk zovin hun an hmang a ni. BCM Hruitezawl Kohhran-ah hian chhungkaw 44 an awm mek a, Kohhran member 234 an ni. Kum eng nge maw chen kal ta aṭangin Baptist Mission School changtlung tak din niin BCM Missionary ten an awmchilh a ni.