March ni 25 leh 26 hmang khan Lawngtlai ‘S’ leh Phawngpui West Bial-ah te Sunday School Training & Seminar hetiang hian neih a ni.

#Lawngtlai South Pastor Bial Sunday School Seminar hi BCM college veng-ah neih a ni a, Resource person-ah Rev. ZD Rodinglana, Director, Christian Education Department leh Rbt B. Singpari, Sunday School Promoter hmangin, Nl. Vanlalpeki, Hnahthial Bazar in zaia rawngbawlin a tawiawm bawk. Bial chhung Kohhran hrang hrang atangin Sunday School zirtirtu leh puipate mi 190 zet an tel a. Resource Person te hian Pathianni zing leh Pathianni zanah Collegeveng-ah hun hmangin thuchah an sawi bawk.

#Phawngpui West Pastor Bial chuan BCM Lungtianah Sunday School Training & Seminar hi an nei a, Resource person pahnih - Upa H. Thangrivunga leh Upa T. Lalsangpuia, Sunday School Trainer ten zirtirna pe-in Inrinni chawhma lamah Upa T. Lalsangpuia'n 'Zir la nunpui rawh' tih thupui hmangin zirtirna a pe a, chawhnu lamah Upa H. Thangrivunga'n 'Zir la nunpui rawh' tih leh 'Sunday School thiltumte' tih hmangin zirtirna a pe bawk. Seminar-ah hian Bialchhung Kohhran pali – Rawlbuk, Lungtian, Vartek leh Tuipui ‘V’ atangte in Sunday School zirtirtu mi 38 an kal thei a. Inrinni zan, Pathianni zing leh pathianni zanah - Lungtian, Rawlbuk leh Vartek- Kohhranah te Sunday Schpool Campaign-in hun hman chhunzawm a ni bawk.