April 7, 2023 kha Khawvel puma Kristiante ni pawimawh ber te zing ami “Good Friday” a ni a.  Ningani zan (Good Friday Eve)-ah Tualchhung Kohhran engngemawzatin Lalpa Zanriah(Sacrament) an kilho a. Bialtu pastor leh Bial nei lo Minister leh Headquarters-a hruaitute pawh Kohhran hrang hrangah in sem darhin Lalpa Zanriah Sacrament hi an buatsaih a ni. Good Friday leh Easter Sunday ah hian Kohhran tinah Pathian Biak Inkhawm leh Pathian faka zaikhawmin hun an hmang a ni.

Hnahthial South Pastor Bial tena an din Baptist English School, Hnahthial hawnna Inkhawm hi April 4, 2023 (Thawhleni) chawhma dar 11:00 khan BCM Biak In, Modelveng, Hnahthial-ah neih a ni a. Upa F. Tlankima, Bial Chairman-in Inkhawm kaihruaiin,  Upa H. Lalrinawma, Bial Secretary-in BES dinna tura hmalak dan report tlangpui pe-in, Zirtirtu tur te hmelhriattirna a nei nghal a. Rev. R. Lalnunzira, AGS-Service in School a hawng a, thuchah a sawi bawk.

April 4, 2023 (Thawhlehni) khan Sunday School Primary atanga Senior ‘A’ zirlaite pualin  BCM Luangmual Pastor Bial, Aizawl chuan Sunday Shool Meet, BCM Biak In Zonuam ah an nei a. Resource person atàn Pi.Lalneihzeli Sailo leh Pro.Pastor Jacob Lalnunhlua te hman an ni.

April 1 leh ni 2 (Inrinni leh Pathianni) hmang khan Muallianpui Pastor Bial chuan BCM Biak In, Muallianpui ‘S’ ah Sunday School Training & Seminar an nei a, resource person ah Sunday School Trainer te - Upa C. Saihmingliana, Salem, Lunglei leh Upa HS Lalhmingthanga, Lunglawn te hman an ni.

MṬKP-in Voluntary Blood Donation Calendar a siam angin April 1, 2023 (Inrini) khan ṬKP Lunglawn Unit  te chuan Cilvil Hospital, Lunglei -a hman atan Thisen Unit 32 an pe a.  Gospel Centenary Hall, BCM Lunglawnah Thisen hi pe in Civil Hospital Lunglei, Blood Bank thawktu ten kal chilhin thisen hi an la a ni. Thisen petute hi mipa 23 leh hmeichhia 9 an ni.

April 1, 2023 (Inrinni) khan Aizawl Area Development Working Committee buatsaihin BCM Biakin Central Church, Upper Republic-ah, Aizawl City huam chhunga Pastor, Pro-Pastor, upa leh upa thlan thar te pualin ‘Aizawl City Church Leader's Consulation’ neih a ni a, mi 190 an tel thei a ni.

March 31.2023 (Zirtawpni) khan Area Development Committee, Aizawl chuan meeting an nei a. Chairman Rev. JC. Vanlalluaia’n  kaihruaiin, Rev. R. Lalrintluanga Secretary in report tlangpui a pe a. Meeting ah hian member 30 an kal a ni.

April 1, 2023 (Inrinni) khan Mizoram Baptist Kohhran Hmeichhe Pawl (MBKHP) Office Bearers te chuan MBKHP Inkhawmpui 2024 dawltu tur, Lungsen Pastor Bial tlawhin an feh chhuak a. MBKHP Organising Committee te nen BCM Lungsen Biak In Hall-ah Meeting neiin, Inkhawmpui atana hma lak mek dan te sawiho in hun an hmang

Ṭhalai Kristian Pawl, Paithar Unit, Pairthar Pastor Bial chuan March ni 31, 2023 (zirtawpni) khan an Unit din champha vawi 70-na ruai nen an hmang a. Kum 70 an tlin hriatrengna lungphun siam in, lungphun hi Rev. R. Lalkhamliana, Bialtu Pastor-in a hawng.

March 30, 2023 khan BKHP Thenzawl Pastor Bial te chuan BCM Biak In Kanaan Thenzawlah Joint Fellowship Cum Seminar an nei a. Unit 8 aṭangin member 120 an kal khawm.

Vawiin, March 31, 2023 (Zirtawpni) chawhnu dar 2:00 khan Academy of Integrated Christian Studies (AICS) chuan Pastor Thanzinga Chapel, AICS-ah zirlai pass chhuakte tirhchhuahna leh thlahna Inkhawm ‘Valedictory Service’ vawi 21 na hmangin, Rev. Dr. C. Vanlaldika, Principal, AICS-in a kaihruai a, Rev. Prof. Narola Imchen, Harding Theological College chu Valedictory Speaker atan hman a ni.

Education Department chuan heng a hnuaia hming tarlan te hi BES Serkawn leh BES Extension (Falkawn)-a thawk turin thla 6 atan a la thar a. 4th April, 2023 (Tuesday) hian Principal, Baptist English School, Serkawn hnenah Joining Report an pe ang.

Mizoram Kohhran hrang hrang hruaitute inrawnkhawmin a rel “Mizorama Kohhran Inzawmkhawm Pawl’ (Council of Churches in Mizoram) din tura hma lak ni se ti-a a rel bawhzuina Drafting Committee Meeting hmasa ber chu March 28, 2023 (Thawhlehni) Chawhma dar 10:30 khan Committee Room No. 1, BCM Headquarters Office, Serkawn-ah neih a ni a.

Tunkar Pathiani, April 2, 2023 hi Kristiante ni pawimawh – Tumkau Pathianni (Palm Sunday) a ni a. He Ni hi ringtute chuan urhsun takin kan hmang thin a, Mizoram Baptist Kohhran pawhin kum tin he ni hi urhsun takin a hmang thin a, zing kar ah naupangte leh Kohhran hoten Tumkau kengin khawlai te an fang in, Lal Isua chawimawina hun atan an hmang thin a ni.

#Lengpui Kohhran ten Tripura Field, Gorjee-ah Work Camp an nei. BCM Lengpui kohhran member 10 te chuan March 28 - 30, 2023 chhung khan Tripura Field, Gorjee-ah Work Camp nei in hun an hmang a. Work Camp an neih chhung hian Tailoring Centre main gate siam hna an thawk a, hna an thawh bak ah hian, hmanraw tul zawng zawngte pawh anmahni an intum vek a ni.