Hnahthial South Pastor Bial tena an din Baptist English School, Hnahthial hawnna Inkhawm hi April 4, 2023 (Thawhleni) chawhma dar 11:00 khan BCM Biak In, Modelveng, Hnahthial-ah neih a ni a. Upa F. Tlankima, Bial Chairman-in Inkhawm kaihruaiin,  Upa H. Lalrinawma, Bial Secretary-in BES dinna tura hmalak dan report tlangpui pe-in, Zirtirtu tur te hmelhriattirna a nei nghal a. Rev. R. Lalnunzira, AGS-Service in School a hawng a, thuchah a sawi bawk.

AGS bakah hian Rev. L. Vanlalsanga, Director Education Deparment in thu a sawi bawk.  Hnahthial South Pastor Bial Zaipawl ten fakna hla remin Rev. TC Lalmalsawma, Bialtu pastor-in Malsawmna-in School hawnna inkhawm hi a khar  a ni.

Baptist English School, Hnahthial hi KG atanga Class IV thleng zirna atana hawn phawt a ni a. Zirlai 60 chuang nei nghalin, School Building hi Model veng-ah awmin, Principal, zirtirtu 6 leh Staff dang 2, an vaiin thawktu 9 an ni. April 5, 2023 atang khan School hi tan nghal a ni.