March 19, 2023 (Pathianni) khan Communications Department chuan Lunglei East ABC chhunga tualchhung Kohhran hrang hrang 5-ah Communication & Literature Campaign Campaign hetiang hian an nei.
Trinity Kohhran -Zobawk-ah – Rev. L. Vanlalsanga, Director Education & R&D-in hun a hmang a, Bazar Kohhran, Zobawk-ah – Rev. Dr. Lalzarlaina, Director, Communications Department-in hun hmangin, Ebenezer, Zobawk-ah - Rev. R. Thanmawia, Bialtu Pastor, Serkawn Bial-in hun a hmang a, Hrangchalkawn Kohhran-ah – Upa Lalbiakthanga Chawngthu, Circulation manager-in thuchah sawiin, Gilgal Kohhran, Theiriat-ah - Rev. Dr. F. Lalsangliana, Editor, Kohhran Beng & Baptist Today in hun a hmang thung.
March 26 Pathianni zing Inkhawm hunah hian Lunglei S ABC huam chhunga Kohhran hrang hrang 7-ah Communication & Literature Campaign hi an nei leh dawn a ni.
Communications Campaign-ah hian BCM in Chanchinbu a tih chhuah te – Kohhran Beng leh Baptist Today lak chungchanga hmasawn tura infuihna te, Kohhran lehkhabu tih chhuah hrang hrang te lei leh chhiar tam tura Kohhrante fuihna atan hman thin a ni a, Bial leh Tualchhung Kohhran-ah a remchan angin hun hman thin a ni.
