Christian Education Deparment ruahmanna angin March 18 leh 19 chhung khan Pastor bial hrang hrang leh Tualchhung Kohhran ah te Sunday School Seminar leh Training hetiang hian neih a ni a:-
March 19 Pathianni khan Haulawng Pastor Bial chhung S. Phaileng-ah neiin, Resource Person Rev. ZD. Rodingliana, Director, Chrstian Education Department a ni a, Pathianni zing Inkhwmah Sunday School Campaign neiin thuchah a sawi a, Chawhnu –ah Sunday School Training leh Seminar neiin, Tualchhung kohhran Sunday School zirtirtute leh Puipate mi 50 chuang an tel. Director hi Rev. Lalhmunsanga, Bialtu pastor-in tawiawmin Nl. Lalrohluzuali, BCM Salem-in zaia rawngbawlin a tawiawm bawk.
Bunghmun Pastor Bial BCM Dinthar, Bunghmun-ah Sunday School Training & Seminar nei in Resource Person Upa P.C.Vanlalrova leh Upa P.C.Malsawma, Sunday School Trainer te an ni a, an ni bakah hian Nl MC. Laldingliani, Hnahthial Electric leh Tv. F.Lalhnehpuia, Lunglei Electric Veng ten zaia rawngbawlin an tawiawm bawk. Inrinni nilengin Training hi neih a ni a, chawhma lamah Upa PC Vanlalrova'n Training pe-in, chawhnu lamah Upa P.C.Malsawma’n sawihona hun a kaihruai thung. Bial chhung Kohhran hrang hrang atangin Sunday School zirtirtu te leh Pouipate mi 45 an kal. Pathianni zing leh zanah ah BCM Dintharah Upa P.C.Malsawma’n thuchah a sawi a, Upa P.C.Vanlalrova’n Pathianni zingah BCM Laisawralah thuchah sawiin, Pathianni zanah BCM Bunghmunah thuchah a sawi bawk.
S. Vanlaiphai Pastor Bial huapin BCM S.Vanlaiphai ah Seminar hi neih a ni bawk a. Resource Person-ah Upa C. Hmingthanzuala, Sunday School Trainer hman a ni a, Inrinni nilengin Seminar hi neiin sawihona hun hman a ni bawk, Bial chhunga Kohhran hrang hrang atangin SS Zirtirtute leh Puipate an kal tha hle a, mi 45 an kalkhawm a ni.
