Mizoram BMP Inkhawmpui 2023 thawhlawm, HATIM tanpui nana an pek atangin HATIM chuan Computer Set 10 an lei a. Heng Computer te Pathian hnena hlanna leh Lawmthusawina March 15, 2023 (Nilaini) chhun dar 12:00 khan HATIM Computer Laboratory- room ah neih a ni.

Pu V. Vuansanga, Principal-in he hun hi kaihruaiin, an Computer an mamawhna leh a tulna te a sawifiah a. Zirlaite tan Computer update zawk an mamawh taka vang leh zirlai te an lo pun ve zel avang te-in Laboratory-a zirlaiten Computer hman tur an indaih loh leh a awm sa te pawh a hlui tawh avanga harsatna tam tak an tawh thu sawiin, MBMP in Inkhawmpui thawhlawm HATIM puala a pe chu lawmawm a tih thu leh, he sum hi Computer thar set 10 lei nan hman a nih tak thu a sawi a, Thawhlawm petu BMP member te leh Kohhran mite hnenah lawmthu a sawi nghal a ni. Ha hunah hian MBMP OB atangin President, Vice President leh Secretary te kalin  HATIM Principal leh staff thenkhat nen he hun hi an hmang a ni.

MBMP Inkhawmpui thawhlawm atang hian cheng nuai 3 leh sing 6, sang 5 leh 500 (Rs. 363,550/-) chu HATIM puala hman tura rel anih angin February 22 khan MBMP hruaitute chuan HATIM Principal hnenah an lo hlan fel tawh a ni.