TKP Aizawl Central Bial ten Fakzairi video an siam chu November 13,2022 Bial TKP inkhawmpui ah tlangzarh a ni. He fakzairi ah hian hla hrang hrang Pakhua awmin, BCM Youtbe Channel – Khawnvar- ah thlir theih in a awm a ni.

ṬKP Bawngkawn Pastor Bial te chuan 11-13 November, 2022 chhung khan 'Siam thar lehna' tih thupuia hmangin BCM Biak In, Bawngkawn, Aizawlah Bial Inkhawmpui an nei a. Speaker atan Rev.F.Zorinkhuma, Secretary MṬKP hmangin, MTKP Executive Committee member pahnih - Pu Lalhmunsiama Pautu leh Rbt. Zohmangaiha ten Inkhawmpui hi an telpuin bawk.

Ni 4 chhung awh Missionary Conferance Vawi 7-na chu November 10-13 chhung khan BCM Biak in, Ramzotlang, Serkawn-ah neih a ni a. Mission field hrang hrang atangin missionary 460  he Conference chhim tur hian an kalkhawm a. A tantirh zan-ah hian Mizoram chhung, Mizoram pawn leh foreign hmun hrang hranga mission field atanga missionary lo kal ten an thawhna ram leh hnam incheina tarlanna (Field parade) neih a ni a, hemi chhung hian an thawhna ram leh hnam chanchin tlangpui leh rawngbawl dan te tarlan a ni. Tunhnaia BCM Missionary thawklai chatuan ram pan ta mi 7 te sunna hun neih a ni bawk.

November 11-13, 2022 chhung khan Lawngtlai Area Baptist Mipa Pawl Meet vawi 2-na chu BCM Biak In, Bethani Lawngtlai-ah "I rawngbawlna kha hlen rawh" (II Timothea 4:5) tih thupuia hmangin neih a ni a, Meet-ah hian speaker pali ruatin thuchah vawikhat theuh an sawi a ni

Nimin lama vanduaina thlenna Maudarh Quary chu vawiin khan BCM hruaitute – General Secretary Charge latu, Rev. Dr. R. Lalthanmawia, AGS-Mission, Rev. Israel Lalremtluanga, Director Baptist Masihi Mission te chu vanduaina thlenna hmunah kalin an tlawh.

Ni 4 chhung awh tur Mizoram Baptist Kohhran Missionary Conferance Vawi 7-na chu nizan atang khan BCM Biak in, Ramzotlang, Lunglei ah neih a ni. Mission field hrang hrang atangin missionary 461 he Conference chhim tur hian an kalkhawm a. A tantirh zan ah hian Mizoram chhung, Mizoram pawn leh foreign hmun hrang hranga mission field atanga missionary lo kal ten an thawhna ram leh hnam incheina tarlanna (Field parade) neih a ni a, hemi chhung hian an thawhna ram leh hnam chanchin tlangpui leh rawngbawl dan te tarlan a ni. Tunhnaia BCM Missionary thawklai chatuan ram pan ta mi 7 te sunna hun neih a ni bawk.

November 07, 2022 khan Chakma Bible lehlin kal mek chungchangah Baptist Church of Mizoram hruaitute leh Bible lehlin kawnga kan thawhpui te- Bibles International leh Bibles International India Society hruaitute BCM Committee room no.1-ah meeting an nei a. BCM hruitute atangin President Rev. Dr. R. Zolawma, AGS - Mission Rev. Dr. R. Lalthanmawia leh Headquarters Office-a Head of Department te leh Chakma Mission Director Rev. Dr.C.Lalruatthanga te an tel a.  Bibles International aṭangin Timothy Lee Fink, Director, Michael Dean Carlyle, Manager, Scripture Engagement leh Moirangthem Sanatomba Singh, Projects Coordinator, Asia & Pacific te telin, Bible Inter National - India Society (BIIS) aiawhin  Dr. Fame Singh, Director a tel bawk.

November 5-6, 2022 khan Baptist Mipa pawl Republic Vengthhlang Pastor Bial chuan Rorel Vawi 8-na leh Inkhawmpui Vawi 4-na BCM Biak In, Salem Veng Aizawl ah an nei a. November 05, Inrinni ni leng khan Bial rorel Inkhawm an nei a. An thurel zingah  - Pastor Quarter's tih chantlun, Bial huap Bible ralchhan neih, Rampum huap chawnghei tawngtai neih, Bial huap retreat cum Leadership training neih, Bial huap Sport neih, BCM CTI Sesawng te electrict wiring neih sak, Bial huap missionary support pek chhunzawm leh Zampuimanga  thlan bula thuziak tar chei that tih te a tel. Rorelna ah hian Kum 2023 a Bial hruaitu turte thlanna neih nghal a ni a, Pathian ni zan inkhawmah Rev. K.Thanzauva’n Pathian hnena hruaitu thar te hlanna leh tawngtaisakna a nei a ni.

Tunkar Ningani, November 10, 2022 chawhma dar 11:00 khan Property Committee Meeting, Sap Upa leh Pu Buanga Hall, Serkawnah neih a ni a. Meeting hi President Rev. Dr. R. Zolawma’n kaihruaiin General Secretary Rev. R. Lalbiakliana’n report a pe.

November 10, ningani khan BCM BIakin Central church, Aizawl chu Rev. T. Lalsangvunga Aizawl central Pastor Bialtu pastor in a hawng a. Hawnna inkhawm hi kohhran chairman Upa RK. Lallianthanga'n a kaihruai a, Kohhran zaipawl leh Central Church Pastor Bial zaipawl hnen atangin pathian fakna hla ngaihthlak a ni a, tlai lamah biak in thar lawmna ruai buatsaih a ni.

November 7, 2022 (Thawhtanni) a Education Department Sub-Committee Meeting, AGS – Service Room-a neih chuan BCM Assembly thurel bawhzuina leh Education Department Committee thu dah bawhzuiin, Lunglei chhim lama-a Baptist English School Extension din turin ruahmanna a siam a. Kum 2023 Session thar atanga tan theih turin Nursery atanga KG (2) thleng dah phawt ni se, hemi atana tul leh pawimawh, Zirtirtu, bungraw tul leh Building ruahman te chu Office lam leh School lamin lo buaipui se tiin an rel a. School hmun tur hi lei fel tawh niin, hemi sak puitlin hma atan Centenary Building, Chanmari ami chu Floor thenkhat luah rih a ni ang.

Relief & Development Department Committee Meeting Vawi 205-na November 11, 2022(Friday)-a neih chuan T. Lalfawnveli d/o T. Lalsiamhluna, BCM Gilead, Diltlang South chu Relilef & Development Department hnuaia Assistant Co-ordinator post atan a la thar a. December 1, 2022(Thursday)-ah Director, Relief & Development Department hnehah Joining Report a pek hnuin a hna hi zawm tura tih a ni.

India rama Pathianthu zirna inpui (University) hlun leh upa ber Seramampore College (University) enkawltu 'Serampore Council' chu november ni 10, ningani khan an thukhawm a. He meeting ah hian Rev. Dr. C. Vanlaldika, Principla AICS chu Council member a nih ang in a tel

November 5, 2022 Inrinni khan Relief & Development Department  leh TKP Venglai Unit, Lunglei  te thawhhona in Pangpar khawi training buatsaih a ni a. Nl. Lalbiakengi Chhangte zirtirtu atan hman a ni. Lalnunthara Ralte, TKP Venglai Unit President-in Pathian hnena inkawltirna neiin Bible chhiar in a tawngtai a, Nl. T. Lalfawnveli Assiatant Coordinator in R&D hmalakna leh hnathawh dante tarlang in Training buatsaih a nih dan te a sawi a, Training neih zui nghal a ni.

November 08, 2022 thawhlehni khan MṬKP Executive Committee Meeting Vawi 539-na, BCM Salem, Committee Hall,   Lunglei-ah neih a ni a. Meeting hi Upa R. Lalrochama, President MṬKP in a kaihruai a, Rev.F. Zorinkhuma MṬKP Secretary in MṬKP hmalakna leh rawngbawlna hrang hrang report pe in, hmachhawp hrang hrangte a tarlang bawk. Thurel zingah Kum 2025-a MṬKP Inkhawmpui thupui atan "Pathian hnaih rawh u"-(Jakoba 4:8 ) tih thlan a ni