Baptist Church of Mizoram

Ni 4 chhung awh Missionary Conferance Vawi 7-na chu November 10-13 chhung khan BCM Biak in, Ramzotlang, Serkawn-ah neih a ni a. Mission field hrang hrang atangin missionary 460 he Conference chhim tur hian an kalkhawm a. A tantirh zan-ah hian Mizoram chhung, Mizoram pawn leh foreign hmun hrang hranga mission field atanga missionary lo kal ten an thawhna ram leh hnam incheina tarlanna (Field parade) neih a ni a, hemi chhung hian an thawhna ram leh hnam chanchin tlangpui leh rawngbawl dan te tarlan a ni. Tunhnaia BCM Missionary thawklai chatuan ram pan ta mi 7 te sunna hun neih a ni bawk.

Conference chhung hian thupui “Ram lah chu lak tur ala tam mai si a” Joshua 13:1 tih hmang Pathian biak inkhawm ah Speaker 4 – Rev. R. Lalremsiama, Mission Director, Rev. R. Lalnunzira, AGS-Service, Rev. R. Lalbiakliana, General Secretary leh Rev. Dr. R. Lalthanmawia, AGS-Mission ten Pathian thuchah an sawi a, inrinni leh zirtawp chhun lamah seminar neih niin, Rev. F. Sangvela, Nl. Lalhmingmawii Chingthu leh Pi J.Laldampuii ten thupui hrang hrang hmangin zirtirna an pe a, sawihona hun hman a ni bawk. Pathianni chawhnu ah Rev. Vanlalmuankima, Director, Pastoral Ministry Department-in Lalpa Zanriah Sacrament a buatsaih a. Pathianni zanah inkhawm awm lehin, Inkhawm banah Zaikhawm programme awmin kham lo takin zaikhawm banah Conference chu an tiak ta a ni.

Mission Director-in Report-a tarlan danin, BCM-ah Mission Field puitling 19 awm mekin, January atanga September 2022 chhungin ring thar 3939 leh Kohhran thar 6 neih belhin Fellowship 4 din a ni bawk. Tun dinhmunah BCM Mission hnuaiah hian thawktu mi 1109 an awm mek a ni.

Missionary Conference Vawi 7-na hman a nih hnu in, Missonary ten Field lam an pan leh ta.

𝐓̣𝐊𝐏 𝐏𝐥𝐚𝐭𝐢𝐧𝐮𝐦 𝐉𝐮𝐛𝐢𝐥𝐞𝐞 𝐩𝐚𝐮𝐥𝐚 𝐆𝐫𝐨𝐮𝐩 𝐳𝐚𝐢 𝐢𝐧𝐭𝐢𝐡 𝐬𝐢𝐚𝐤 𝐜𝐡𝐮 𝐭𝐥𝐮𝐚𝐧𝐠 𝐭𝐚𝐤𝐚 𝐳𝐚𝐰𝐡 𝐟𝐞𝐥 𝐚 𝐧𝐢

Welcome

Downloads

Materials