Baptist Church of Mizoram

ṬKP Bawngkawn Pastor Bial chuan November 11-13, 2022 chhung khan 'Siam thar lehna' tih thupuia hmangin BCM Biak In, Bawngkawn, Aizawlah Bial Inkhawmpui an nei a. Speaker atan Rev.F.Zorinkhuma, Secretary MṬKP hmangin, MTKP Executive Committee member pahnih - Pu Lalhmunsiama Pautu leh Rbt. Zohmangaiha ten Inkhawmpui hi an telpuin bawk.

Pathianni zan inkhawm banah Fellowship neih a ni a. He hunah hian MṬKP aiawha Inkhawmpui hman puitu Pu Lalhmunsiama Pautu chuan fuihna thu tawi sawiin MṬKP hmalakna hrang hrang ṭha taka bawhzuitu bial ni zel turin kalkhawmte a sawm bawk. Inkhawmpuiah hian rorel neih nghal a ni a, rorel member 149 niin kum 2022-2023 budget atan Rs 170,000/- pawm a ni.

Inkhawmpui hi Aizawl City chhunga bial hrang hrang hruaitu ten an hman pui a, zai tura sawm an nih angin Aizawl Area Baptist Choir leh BCM Ramhlun Bial zaipawl ten Pathian fakna hla sa in rawngbawlna an nei bawk.

TKP Aizawl Central Pastor Bial pawhin November ni 12 leh ni 13, 2022 khan “Ka thlarau zawkin le” (Zakaria 4:6) tih thupuia hmangin BCM Biak in, City Church, Bungkawn-ah Bial TKP Rorel vawi 33-na leh Inkhawmpui vawi 24-na an nei bawk a, November ni 12, 2022 (Inrinni) nilengin Bial TKP Rorel neiin, Rorel Palai 107 an kal a ni.

An rorel thu pass tlangpui te chu - Mission Support neih chhunzawm te, Bial chhunga unit intlawh thelh te, Bial hruaitu leh Unit hruaitu retreat neih te, Bial Sport (Indoor leh Outdoor) neih leh Bial TKP Rorel zanah Fakna inkhawm neih te, Bial TKP huapin Fellowship Department inkaihhruaina atangin ralchhan leh Bible Ralchhan neih te, Aizawl khaw chhunga Pastor Bial dang TKP te nen Joint Fellowship neih ni se tih te niin, Kum 2023 Budget atan Rs. 1,58,000.00 pass a ni a, Kum 2023-2024 atana Hruaitu turte thlan nghal an ni.

ṬKP Bawngkawn Pastor Bial leh Central Pastor Bial ten Inkhawmpui an nei.

𝐓̣𝐊𝐏 𝐏𝐥𝐚𝐭𝐢𝐧𝐮𝐦 𝐉𝐮𝐛𝐢𝐥𝐞𝐞 𝐩𝐚𝐮𝐥𝐚 𝐆𝐫𝐨𝐮𝐩 𝐳𝐚𝐢 𝐢𝐧𝐭𝐢𝐡 𝐬𝐢𝐚𝐤 𝐜𝐡𝐮 𝐭𝐥𝐮𝐚𝐧𝐠 𝐭𝐚𝐤𝐚 𝐳𝐚𝐰𝐡 𝐟𝐞𝐥 𝐚 𝐧𝐢

Welcome

Downloads

Materials