May 29, 2023 (Thawhtanni) hi Kohhran Ni Pawimawh – TKP Ramthim Ni a ni a. TKP Unit tinah he ni hi urhsun takin an hmang leh dawn a ni. Kumin TKP Ramthim Ni Thupui chu “Krista Thuhretu Rinawm" (TT 1:8) tih a ni ang. TKP Ramthim Ni-ah hian zan lamah inkhawm awmin, Inkhawm Thawhlawm chu Bial TKP kal tlangin MTKP Fin.Secretary hnen–ah thehluh tur a ni ang. MTKP Hruaitu (OB) te pawh he hun hmanpui tur hian Unit leh Bial hrang hrangah an kal chhuak dawn a ni.

Vawiin, May 26, 2023 (Zirtawp) zan atanga tanin India hmar chhak Kristian Hmeichhe Pawl inzawmkhawm North East India Christian Council, Women Assembly (NEICC-WA) Inkhwmpui vawi 14-na chu MBKHP-in BCM Biak In, Venglai, Lunglei-ahan thleng mek a. Inkhamwpui thupuiah Sam 126:3 thu - “Lalpan thil ropui tak te min tih sak a, kan lawm hle a ni” tih a ni ang.

May 24, 2023(Nilaini) khan Baptist printing Press a hman tur, Khawl thar pahnih Heidelberg Offset leh Perforating Machine te chu Pathian hnena hlanna neih a ni a. He hunah hian Baptist printing Press-a thawktute bakah Headquarters-a Department hruaitute an kal khawm a ni.

Tunkar Pathianni, May 28   hi Thlarau Thianghlim thlen ni (Pentecost Ni) a ni a. He Ni hi khawvel pumah Kristian te chuan urhsun takin an hmang thin a. Mizoram Baptist Kohhran pawhin he ni hi Special Sunday atan a hmang thin a ni. Kumina Thlarau Thianghlim thlen Ni Thupui chu Tirhkohte Thiltih 19:2 thu “Thlarau Thianghlim in chang em? tih a ni ang.

Kum 2023 atana Chhawmdawlna In Awareness Campaign thawhkhatna May 20, 2023 (Inrinni)  khan BKHP Hrangchalkawn Pastor Bial leh BKHP Lunglawn Pastor Bialah te neih a ni a.

May 19-21 chhung khan Lawngtlai ‘S’ Pastor Bial BMP te chuan BCM Biak In, Chawhnhu-ah  “Kristian chhungkua” tih thupuia hmangin Bial BMP Meet an nei a,  MBMP Secretary Rev. H. Lalfakzual chu  Speaker-ah hman a ni.

#Mount Carmel Mission School, Hostel Building Pathian Hnena Hlanna neih a ni. #Chanmmari Bial leh BCM Gilgal, Theiriat-ah Mission Convention neih a ni. #Chakma Bible - Review Meeting neih a ni. #Tripura Field-a Tailoring Centre, Garjee-a Puanthui zir tur mi 10 lak an ni #Missionary panga-in Furlough Deputation an hmang Mek.

May 20-21, 2023 hmang khan BCM Biak In, Electric Veng, Aizawlah Bial KNP Inkhawmpui Vawi 21-na neih a ni a, Speaker ah Pu H. Muansangpuia, KNP Trainer hman niin thupuiah "Piantharna" tih hman a ni.

#ṬKP Lawngtlai 'N' Bial-in ‘Bial Meet Cum Sport’s an nei #ṬKP Phawngpui 'S' Bial-in Sports Meet leh Fakna Inkhawmpui an nei. #ṬKP Bungtlang South Pastor Bial-in Bial huap Bible Quiz an buatsaih #ṬKP Thenzawl Bial Inkhawmpui neih a ni. #Aizawl Area ṬKP Hruaituten ṬKP Maubawk Unit an tlawh

May 19 leh 20, 2023 khan BKHP Chandmary Unit, Lawngtlai chuan an unit din champhaphak vawi 50-na (Golden Jubilee) an lawm a. Jubilee hmanpui hian MBKHP Hruaitute - President Pi Pc. Lalvohbiki, Treasurer - Rbt.F.Zanguri leh Executive Committee member Pi Lianropuii te an kal.

May 19, 2023, Zirtawpni khan Mizorama Kohhran hrang hrang te inthlunkhawmna- Council of Churches in Mizoram dinna tura inrawnkhawmna chu Booth Mansion Hall, The Salvation Army Territorial Headquarters, Tuikual, Aizawl-ah an thu khawm a. Kohhran pawl hrang hrang - Presbyterian Church of India (Mizoram Synod), Evangelical Churches of Maraland, The Salvation Army, Lairam Isua Krista Baptist Kohhran leh Baptist Church of Mizoram aiawh te kalkhawmin, BCM aiawh-in President -Rev. KV Thanga, General Secretary – Rev. R. Lalbiakliana, AGS Service – Rev. R. Lalnunzira, Statistician – Upa C. Hrangdula, Executive Secretary – Rev. R. Lalrintluanga, Administrative Officer – Pu Lalruatkima, Upa Pc Liankhama, BCM Kikawn leh Upa F. Aizama, BCM Rahsiveng te an tel a ni.

North East India Christian Council Youth Assembly (NEICCYA) Biennial Conference vawi-19 na chu ni 19 - 21 May, 2023 chhung khan PCI Durtlang Kohhran Biak In ah neih a ni a. Thupui atan “Intihsiakna tha chu bei in” (I Timothy 6:12) tih thu hman a ni.

Rev. Vanlalhruaia Khiangte, Assistant Professor, Academy of Integrated Christian Studies chuan Vrije University, Amsterdam, Netherland atangin History of Christianity ah Doctor of Philosophy (Ph.D) Degree nikum lam khan a zo a. A theisis title hi ‘Baptist Ecclesiology in Mizoram and Nagaland: An Equiry into its Historical Developments from an Ecumenical Perspective’ tih a ni.

May 16, 2023 (Thawhlehni) khan United Nations International Children's Emergency Fund  (UNICEF) meeting, Aizawl-a neih-ah Rev. L. Vanlalsanga, Director Relief & Development Department a tel a. Meeting hi CYMA run Aizawlah neih niin Aizawl District-a khawthlang hruaitu te leh Kohhran aiawh theuhte an tel a ni.

Ni 17.May.2023 khan Aizawl Area Development Working Committee Meeting Vawi 111-na BMC Falkland-ah neih a ni a, member 12 an kal. Chairman Rev. C. Lalhungliana'n meeting kaihruaiin, Rev. R. Lalrintluanga Secretary hnen atangin report ngaihthlak niin, Zuangtui Vengthar Biak In hmun tur Rs.39,50,000/- leh Hrianghmun Biak In hmun Rs. 500,000/- in lei fel a nih thu te