Vawiin, May 26, 2023 (Zirtawp) zan atanga tanin India hmar chhak Kristian Hmeichhe Pawl inzawmkhawm North East India Christian Council, Women Assembly (NEICC-WA) Inkhwmpui vawi 14-na chu MBKHP-in BCM Biak In, Venglai, Lunglei-ahan thleng mek a. Inkhamwpui thupuiah Sam 126:3 thu - “Lalpan thil ropui tak te min tih sak a, kan lawm hle a ni” tih a ni ang.
Zirtawp zanah Palai lawmna leh Inkhawmpui hawnna neih a ni ang a, Mrs. Margrete Ronghang, President, NEICCWA –in Inkhawm kaihruaiin, Rev. Dr. Ramengliana, Secretary NEICC-in Thupui sawihawnna leh thlirlawkna neiin thuchah a sawi ang.
Inrinni zing-ah Bible Study neiin chawhma lamah Bussiness Sesseion –in chhunzawm a ni ang a. Chawhnu lamah Exhibition & and Sale neih a ni ang. Inrinni zan-ah Vantlang Inkhawm awmin Dr. Buno Iralu (NBCC palai) hnen atangin thuchah ngaihthlak a ni ang.
Pathianni-ah nilengin Inkhawmpui Programme hman a ni ang a, zing 6:30-7:30 -ah Lalpa Zanriah Sacrament kilho a ni ang a, dar 9:30 – 12:30 ah Vantlang Inkhawm awmin, Chawhnu dar 1:30-4:00-ah pawh Vantlang Inkhawm a awm leh ang a, Zan lam inkhawm chu Hruaitu thar lakluhna inkhawm atan hman a ni ang a, Inkhawm banah NEICC-WA Inkhawmpui vawi 14-na chu an tiak tawh dawn a ni.
Inkhawmpui chhung hian Inkhawm apiangin Mizoram Pawn leh ram chhung atanga Zaipawl lo kal ten hla an rem dawn ni.
