BCM Camping Cantre – Ramzotlang, Serkawn-a buatsaih mek-ah hnatlang an thawh chhunzawm zel a ni a. Kohhran te an phurin hnatlang an thawk tha thei hle. Tunah hian Building hlui thiat zovin mi 100 vel len theihna tur inkhawmna (chapel) te, Dining Hall leh Choka te sak tan mek a ni a, Campers te mutna tur khum engemawzat siam mek a ni bawk.   Tunkar June 29 (Ningani) khan  BCM Serkawn leh BCM Edenthar, Lunglei te thawkin member 58 an thawk chhuak a, July 1 (Inrinni) hian BCM Chanmari leh Theiriat te an thawk leh tura beisei an ni a, report kan hre hman ta lo a ni.

June 28, 2023 (Nilaini) khan  Relief & Development Department chuan Puanthui leh Beautician Training chhuak te pualin Skill Training Graduation Programme, Sap Upa leh Pu Buanga Hall, BCM Office, Serkawn-ah neih a ni a. Tun tumah hian Puanthui zir chhuak mi 15 leh Beautician zir chhuak mi 3 hnenah Certificate hlan an ni.

June 23, 2023 (Zirtawpni) chawhmadar 11:00 ah MBKHP Executive Committee meeting Sap Upa&PuBuanga Hall, BCM Hqrs Office, Serkawn-ah neih a ni a. Meeting hi President Pi PC.Lalvohbiki’nkaihhruaiin, Secretary Lalhmingmawii Chongthu hnen atangin April 18-June 22 chhunga MBKHP rawngbawlna hrang hrang report ngaihthlak a ni.

BCM Relief & Development Department 29th June 2023-a thukhawm chuan a hnuaia hming tarlante hi July – December, 2023 chhung atan Puanthui zirturin a la a. Heng mite hi 7th July, 2023(Friday) Dar 10:00 AM-ah R&D Skill Training Centre, Ramzotlang-ah class tan tur a ni ang.

ṬKP Aizawl East Pastor Bial hruaitute chuan 26th June 2023 (Thawhṭanni) zan khan Bial hruaitu unit tlawh program an hmang a, kumin chhunga a hnuhnung ber dawttu ni turin ṬKP Saron unit te an tlawh.

ṬKP Aizawl East Pastor Bial hruaitute chuan 26th June 2023 (Thawhṭanni) zan khan Bial hruaitu unit tlawh program an hmang a, kumin chhunga a hnuhnung ber dawttu ni turin ṬKP Saron unit te an tlawh.

June 24, 2023 (Inrinni) khan KNP Promoter Nl. K. Lalramthianghlimi Resource Person-a hmangin Serkawn Kohhran KNP hruaitute chuan Biak In Hall-ah Seminar an nei a. KNP hruaitu mi 10 kalin an kal kim deuh vek a ni.

June 22-25 chhung khan Rev.R.Lalnunzira, AGS (Service) chuan Farkawn Pastor Bial, Champhai Bial leh Bethel Bial, Champhai te tlawhin a zin a. Hemi chhung hian Farkawn Pastor Quarters hawn bakah Kohhran hrang hrang tlawhin BCM hmalakna te a enpui a ni.

Kan Zosap Missionary hnuhnung ber Miss J.T. Smith (Pi Zomawii) chuan Dt 26. 6. 2023 (Thawhtanni) zing dar 9.30 (IST) khan ropuina ramah min lo chawlhsan ta a. BCM Puipate leh Department hruaitute inrawnkhawm chuan July 2, 2023 (Pathianni) zing inkhawm-ah hian Pi Zomawii sunna hi Tualchhung Kohhran tinah nei tura ngen ni se tiin an rel. Sunna hunah hian a chanchin tawi chhiar chhuah tur leh Bible chhiar leh tawngtaina neih a ni ang. A chanchin chhiar tur chu hetiang hi a ni e.

Asia-Pacific Baptist Federation hnuaia Chhawmdawlna hna thawktu APB-Aid Director Pu Roshan Mendis chuan vawiin June 27, 2023 (Thawhlehni) khan BCM Headquarters Office, Serkawn tlawhin BCM hruaitute leh R&D hotuten an lo dawngsawng a. Zing lamah Thaizawl leh Bualte vela Raltlante awmna, Relief Camp tlawhin Thaizawl atanga lo let lehin Headquarters Office a Department hotute leh Fellowship hruaitute nen inkawmhona, BCM Hall-ah an nei.

Vawiin June 27, 2023 (Thawhlehni) zing dar 10:00 khan 'Mizoram Baptist Kohhran, Inkhawm Kaihhruaina'  (Worship Manual) chu AGS Service Rev. R. Lalnunzira’n BCM Hall Headquarters Office Serkawn-ah a tlangzarh a, tlangzarhna a neih zawh-ah Tawngtaiin Pathian hnenah a hlan. Inkhawm Kaihhruaina (Worship Manual) hi phek 118-a chhah niin, bu khat cheng 100/- man a ni a, Baptist Bookroom hrang hrang-ah lei theih turin chhawp chhuah a ni ang.

Vawiin, June 26, 2023 (Thawhtanni) zing dar 9:30 khan Mizorama zosap Missionary lo chhuak te zinga Mizoram chhuahsan hnuhnung ber, Pi Zomawii (Miss JT Smith) chu Scotland, Dundee khua a kum upa te enkawlna hmunah kum 85 mi ni in a boral. Chanchin kan ziak lai hian a vui hun tur leh vui dan tur ruahman fel a la ni lo.

June 24 (Inrinni) khan Headquarters Office, Serkawn-ah Worship Department buatsaihin Worship Trainers’ Meet neih a ni a, Inrinni nilengin Seminar leh Training hun an hmang a. He hunah hian Worship Department in Trainer a ruat atangin mi 14 leh Officce lama thawktu leh chanvo neite nen 21 an tel thei a ni.

Mizoram Baptist Kohhran (BCM) leh Zomi Baptist Churches of North America (ZBCA) te chuan June 20, 2023 (Thawhlehni) khan thawhhona thuthlung (Memorundum of Understaning) chu kum 5 (2023-2027) chhung atan pawtseiin an ziak fel leh ta a. He MoU ziakna hi Nashville, Tennessee, USA-ah neih a ni a, BCM aiawhin President Rev. KV Thanga leh General Secretary Rev. R. Lalbiakliana ten hming an ziak a, ZBCA aiawhin an President leh General Secretary ten hming an ziak bawk.

Headquarters Office, Serkawn-a thawktute chuan June 19, 2023 – Thawhtanni khan BCM ram chhung, Serkawn-ah thing phun hnatlang an thawk a, thing chi hrang hrang 65 an phun. Headquarters Office-a thawk zin  leh  damlohna avanga chawlh la te tih loh chu an thawk chhuak tha hle a, AGS pahnih Rev. Dr. R. Lalthanmawia leh Rev R. Lalnunzira ten an ho a.