Kar liamta leh tunkar chhunga Ramthim rawngbawlna chanchin kan hriat theih te lo tarlang i la..

July 7, 2023 (Zirtawpni) khan Fellowship Department buatsaih in KNP Leaders’ Trainers Meet chu Sap Upa leh Pu Buanga Hall, BCM Hqrs. Office, Serkawn-ah neih a ni a. Chawhma hunah Tv. Ivan R. Laldinkima, Vengpui – Lawngtlai-in hun a kaihruai a. KNP Promoter-in hriat tur pawimawh te puangin inhmelhriattirna a nei a, Rev. Dr. R. Lalthanmawia, AGS-Mission hnen atangin thuchah ngaihthlak a ni a, Rev. ZD Rodingliana, Director, Fellowship Department-in KNP Leaders’ Trainer te hman atana buatsaih, Trainers’ Guide a tlangzarh a. Tv. Lalawmpuia, BCM Aizawl West-in Naupangte mamawh, Taksa leh rilru hriselna’ tih thupui hmangin zirtirna a pe.

July 8-9 hmang khan Serchhip Pastor Bial tlawhin  MBKHP hruaitute  chu Rbt.F.Zanguri Treasurer leh Executive Committee member pahnih Pi R.Lalnunziri leh Pi C. Laltlanthangi te an kal. Tun tum-a an fehchhuahnaah hian thupui-ah “Rawngbawlna” tih hman a ni a, BCM Biak in Serchhip-ah hun hmang in, Bial chhung BKHP member te an kalkhawm a, Inrinni zan, Pathianni zing Inkhawm, Pathianni chawhnu Fellowship leh Pathianni zan Inkhawm-ah te MBKHP hruaitute hian hun in hman chhawkin, Inrinni zanah Pi ZD.Vanlaldiki'n thuchah a sawi a, Pathianni zingah Rbt. F. Zanguri'n thuchah sawiin Pathianni zanah Pi C. Laltlanthangi'n thuchah a sawi thung.

District Education Officer chair-na hnuaia Baptist Higher Secondary School, Selection Committee Meeting dated 7th July, 2023-a District Education Office-a thukhawm chuan a hnuaia hming tar hi Baptist Higher Secondary School Serkawn, High School Teacher (Deficit) a thawk turin a la thar.

Mizoram University-in Degree Course result 2023 a tih chhuah-ah Higher and Technical Institute of Mizoram (HATIM) chuan Result tha tak an nei. BCA-ah Candidate 6 awmin 4-in hlawhtlinna an chang a, Lalbiakhluzuala Samte chu MZU Topper a ni. B.Com ah Candidate(regular) 33-ah 33 an passed a. Bachelor of Social Works (BSW)-ah Candidate 25-ah 17 an passed a, MZU-ah pahnihna atanga 10-na thleng langin, mi 10 an lang.

Director, Medical & Health Department report in a tarlan danin -  June 2023 chhungin Christian Hospital Serkawn-ah damlo 2443 in entirin, an zinga 373 admit an ni a, nau piang 29  an awm lai in mitthi 11 an nei thung. Report kimchang hetiang hi a ni.

Kar liamta leh tunkar chhunag Mission rawngbawlna kan hriat theih te lo tarlang i la...

Kar liamta chhung khan Pastor Bial leh Tualchhung Kohhran thenkhat-ah BCM Worship Trainern Worship Training leh Seminar hetiang hian an neihpui

July 1, 2023 (Inrinni) khan Leite Pastor Bial huapin BCM Biak In, Tuipui D–ah . Bial chhunga Sunday School zirtirtu te leh puipate pualin Sunday School Training neih a ni a. He Training-ah hian Rbt B. Singpari, SS Promoter leh Sunday School Trainers te – Upa M. Thansiama leh Rbt H. Lalkimi ten zirtirna an pe.

BCM Education Committee Meeting dated 5th July, 2023-a thukhawm chuan a hnuaia hming tarlante hi Higher and Technical Institute, Mizoram (HATIM), Baptist Higher Secondary School, Serkawn leh Baptist English School, Serkawn-a thawk turin a la thar.

Manipur State a buaina avanga tuarna nasa tak thleng mekah hian Mizoram Baptist Kohhran chuan hetiang hian thuchhuah a siam a ni:

Mizorama zosap Missionary lo chhuak te zinga Mizoram chhuahsan hnuhnung ber, Pi Zomawii (Miss Joan T. Smith) June 26, 2023-a thi,  July 3, 2023 – India sona-a tlai dar 3:30 khan a pianna khua leh a lawina Kohhran Central Baptist Church Dundee, UK-ah vuina  inkhawm (Funeral Service) neih a ni a. Vuina inkhawm hi Central Baptist Church Pastor-Rev. Jim Turrent in kaihruaiin, Pi Zomawii chanchin tlangpui leh thuchah a sawi a. Pu Lalrinawm Zadeng-in BCM atanga sunna thuziak- Genral Secretary charge la mek tu Rev. Dr. R. Lalthanmawia AGS-Mission in a ziak a chhiar chhuak a, Chhungkaw aiawhin Pi Zomawii tunu, Ashley-in thu a sawi bawk.

July ni 2, 2023 Pathianni hi Mizoram Baptist Kohhran Nipawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kumin Mission Sunday-ah hian thupui chu Marka 16:15 thu  “Chanchin Tha, mi tin tan” tih hman a ni ang. Mission Sunday-ah hian Kohhran hote Ramthim rawngbawlna lama intih chak tawnna tur leh Pathiam ram tulna te in kawhhmuhna atan hman thin a ni

Rev. KV Thanga - President , Rev. R. Lalbiakliana -General Secretary, Pu Lalruatkima -Administrative Officer leh Pi Irene Cobert te chu Zomi Baptist Churches of America (ZBCA) te nen thawhhona thuthlung te an sign fel hnu-in  June 24-26 hmang hian Chin Baptist Association of North America (CBANA) Assembly, Indianapolis-ah an hmanpui leh nghal a. He Inkhamwpui-ah hian General Secretary Rev. R. Lalbiakliana chuan Pathian chhun inkhawmah  thuchah a sawi a, Pu Lalruatkima’n Seminar-ah paper a present bawk.

June 29, 2023 (Ningani) khan Electric Pastor Bial chuan BCM Biak In, Chamari vengthlang-ah Bial chhunga Upa leh Rawngbawltu Nupuite pualin Retreat Programme an buatsaih a. Resource Person-ah Nl. Lalhmingmawii Chongthu, MBKHP Secretary an hmang.