July 14-16, 2023 chhung khan Lawngtlai Area huamchhunga Bial Zaipawl te pualin intawhkhawmna (Bial Zaipawl Meet) BCM Biak In - Lawngtlai Vengpuiah neih a ni a. Thupuiah "Lalpa lawm tlak, Rawngbawlna" tih hman a ni.

​​​​​​​#Chhipphir Pastor Bial chuan Rev. R. Lalnunzira, AGS-Service speaker-a hmangin July 15 leh 16 hmang khan BCM Biak In, Chhipphir-ah Mission Convention an nei a. #Salem Kohhran, Lunglei chuan July 14-16 chhung khan Rev. Dr. R. Lalthanmawia, AGS-Mission speaker-a hmangin Mission Convention an nei a. Thupui-ah Isaia 6:9 – thu ‘Mi tir ta che” tih hman a ni.

July 16, 2023 (Pathiani) khan Shillong Pastor Bial chuan Sunday school inkhawmpui BCM Biakin, Madanriting-ah an hmang a. Rev F.Ramdinmawia'n inkhawmpui hawnna a nei a, Rev PC Lalnunzira, Regional Director, Guwahati Region in inkhawmpui thupui "Pathian thu nung" tih hmangin thuchah a sawi.

Aizawl Area TKP leh BMP Coordination Committee-in ruahmanna an siam angin,  July 15, 2023 (Inrinni) khan Baptist Multipurpose Centre (BMC), Falkland ah Hnatlang runpui neih a ni a. Aizawl City huam chhung, Pastor  Bial 10 atangin BMP member 102, TKP - Aizawl East Pastor Bial member 87 leh Mission Vengthlang Pastor Bial atangin mi 30 ten hnatlang hi thawkin, hruaitu te nen mi 200 chuang zet an thawk chhuak a ni.

Rahsiveng Pastor Bial TKP chuan kumin atana an hmachhawp "Vantlang tana thil tih (social service) neih ni se" ti-a an dah bawhzuina leh tihhlawhtlin nan July 15, 2023 (Inrinni) khan Higher and Technical Institute, Mizoram (HATIM) campus, Kawmzawl-a Medical Center hmun tur samfai hnatlang an thawk a. Hnatlangah hian ṬKP member 91 thawkchhuakin, HATIM a thawktu ṭhenkhat ten an tawiawm bawk.  Rahsiveng Pastor Bial ah hian TKP Unit 5 - Rahsiveng, Moria (Rahsiveng), Venghlun, Bethel (Venghlun) leh Sazaikawn Unit te awm in, member 1456 an awm a ni.

Mizoram Baptist Kohhran Hmeichhe Pawl hmalakna 'Tlawhkhat Bial tlawh Programme' kal zelah July 15 &16 hmang khan Phawngpui North Pastor Bial tlawhin  MBKHP hruaitute  Rbt.H. Lalkimi, Vice President leh Executive Committee member pahnih Pi F. Lalawmpuii leh Pi K. Darrothangi te an kal a.  Inrinni zan-ah BCM Sentetfiang-ah hun hmangin, Pathianni zingah Bial chhung Kohhran pathum - Peniel Kohhran, Sangau leh Cheural ah te in then darhin hun an hmang a.  Pathianni zanah BCM Pang khua-ah hun an hmang bawk.

The Leprosy Mission, Mizoram hnuaia Chapter 32-na atan TLM, Mizoram - Champhai Chapter chu July 16 (Pathianni)  khan BCM Biak In, Kahrawt, Champhai ah neih a ni a. Upa H. Thanzuala, TLM Mizoram Campaign Secretary-in Inkhawm kaihruaiin, Rev TC Zodinsanga, Executive Secretary, TLM Mizoram in TLM Chapter thar hi hawngin, chapter hruaitu tur te lawmluhna leh Pathian hnena hlanna a nei nghal.

Mizoram Baptist Kohhran Administrative Committee July 20, 2023-a thukhawm chuan, a hnuaia tarlan ang hian contract-a hna thawktu tur a la thar. Hna thawktu lak tharte hian August 1, 2023-ah an hna thar an zawm ang.

BCM Medical & Health Committee Meeting dated 14th July, 2023-a thukhawm chuan  a hnuaia hming tarlante hi Christian Hospital Serkawn-a thawk turin a la.

Vawiin, July 14, 2023, Chawhma dar 11:00 khan Mizoram Baptist Kohhran, Medical and Health Department Committee Meeting, B. Sanghnuna Conference hall-ah neih a ni a. He Meeting-ah hian  School of Nursing, Christian Hospital, Serkawn-a GNM zir tura in ziak tling te Personal Interview neiin, GNM zirna Seat 20 atan mi 20 an la fel. Chungte chu:

School of Nursing, Serkawn chuan GNM zir tur Written Exam  te atangin Interview hmachhawn turin mi 50 an thlang chhuak ta a. Heng Interview hmachhawn tura koh te hian July 14, 2023(Zirtawpni) ah Medical Board Meeting, B.Sanghnuna Hall, Christian Hospital, Serkawn-ah an inlan ang.  Interview tur te hian Original Documents ken vek tur a ni ang.

July 12, 2023 (Nilaini) tlai khan Senate of Serampore College (University) hnuaia Examination Result 2023 tih chhuah a ni a, AICS atanga kumin 2023-a Bachelor of Divinity (BD) leh Master of Theology (MTh) zirzo te an passed kim vek a. Nimin vek khan Asia Theological Association hnuaia Master of Divinity (MDiv) result chhuak ve bawkin, kumin-a MDiv zir chhuak te pawh an passed kim vek bawk a ni. Result dinhmun tlangpui hetiang hi a ni.

July 12, 2023 (Nilaini) khan Higher Technical Institute, Mizoram (HATIM) chuan Mizoram University in Under Graduate Examination 2023 result a tihchhuah taka zirlai ti tha, University Top 10 rank holders te chawimawina (Felicitation) Programme an buatsaih .

ṬKP Aizawl East Pastor Bial te chuan July 8-9, 2023 khan BCM Biak In, Armed Veng South ah Bial ṬKP Intawhkhawm an nei a. Hosea 10:12  thu  "Lalpa Zawn hun" tih thupui a ni a, Speaker atan Bialtu Pastor, Rev. C. Chhuntluanga an hmang. He intawhkhawm-ah hian Bial chhung Unit hrang hrang atanga member kalte bakah, Area ṬKP Coordination Committee hruaitute leh Bial dang hruaitu te pawh sawm an nih angin an tel.

Biak In hlanna leh Kohhran kum 10 (Tin Jubilee) lawmna Inkhawm hi July 7, 2023 (Zirtawpni) chawhnu ah neih a ni a. Biak in kawt ah Jubilee lawmna dar vuak a ni a, hemi hnu hian Rev. R. Lalnunzira, AGS-Service Biak in hawnna leh Pathian hnena hlanna tawngtai neiin, Biak In chhungah lutin, Inkhawm chhunzawm nghal a ni.