ṬKP Aizawl East Pastor Bial hruaitute chuan 26th June 2023 (Thawhṭanni) zan khan Bial hruaitu unit tlawh program an hmang a, kumin chhunga a hnuhnung ber dawttu ni turin ṬKP Saron unit te an tlawh.

Nl.Rebec B. Zonunsangi, Bial Executive comt. member in  inkhawm a kaihruai a, Tv. Israel Lalthawmmawia (Unit Secretary) leh Vanlalruata (Bial Secretary) te'n report an pe. Nl. Esther Lalremruati, Saron Unit in fakna hla saiin, Rbt. Isaac Laldawngliana (Bial President) hnen atangin “Tunlai thil awmzia” tih thupui hmangin thuchah ngaihnawm tak ngaihthlak a ni. Bial hruaitute leh Unit member inkhawm an ṭha hle. Inkhawm banah inpawlhona hun hlung takin an hmanga,  zawhna leh chhana te neiin Inpawlhona hlimawm leh hlawk tak hman a ni. ṬKP Saron Unit ah hian Member 118 an awm mek a, Ni 10 August, 2003 khan Saron unit hi a ding a ni.