December 9-12 chhung khan Zomi Baptist Church (ZBC)  rorelna sang ber, ZBC General Council vawi 37-na chu ZBC, Bethel Biak In, Champhai-ah neih a ni a. He Council-ah hian Mizoram Baptist Kohhran aiawhin Rev. K. Lalbiakchhawna, Bawngkawn Bialtu Pastor  leh Upa C. Laldingliana(Jr), Serkawn te an palai a, BCM aiawhin Rev. K. Lalbiakchhawna’n chibaibukna leh thuchah a sawi a, Upa C. Laldingliana’n Chibaibukna leh BCM Report tlangpui a sawi bawk. ZBC General Council-ah hian palai 80 an kal a ni.

ZBC leh BCM hi Mizoram Baptist Federation-ah member niin heng MBF Member te hi Rorelna sang ber-ah palai intirin rorelna an inchhim tawn thin a ni. Zomi Baptist Church-ah hian Pastor Bial 6 awmin, Kohhran member 3385 an awm a, Champhai-ah Headquarters neiin an hruaitute chu President-Upa T. Thang, President elect – Upa Hang Thawn Tuang leh Executive Secretary Rev. Dai Do Thang te an ni.