Zawlnuam Report[/caption]
April ni 2, 2020 khan Communications Department a thawktu te Manager, Audio Visual Production leh Production Assistant te chu Zawlnuam Vengpui kang chungchanga report kimchang siam in, zankhat riak in Zawlnuam ah an kal.
An thlen zan hian Zawlnuam Bialtu Pastor leh vengpui kohhran hruaitu te nen ruahmanna siam in meeting neih a ni a. A tuk inrinni zing atangin Biak In kan dan leh Biak In sak that tura an ruahmanna neih dan te kohhran mite thlir theih turin video report siam a ni a, hemi rual hian Zawlnuam pastor bial chhunga kohhran hrang hrang te tlawh kualin kohhran dinhmun zirchianna neih nghal a ni bawk.
Zawlnuam Vengpui Biak In kang ral ta hlut zawng hi a chhung bungrua nuai 23-25 vel leh a building nuai 50-60 vela chhut a ni. Tun dinhmun ah Kohhran ho mamawh zualpui phuhruk na atan, mi mal, kohhran leh tlawmngai pawl hrang hrang atanga tanpuina an kuta lut tawh hi cheng nuai 7 a chuang tawh a, bungrua Keyboard, Portable Sound System, Guiter leh Sacrament no leh tray bakah thawhlawm khawnna te an dawng bawk.
Tanpuina lo lut khawm atang hian Biak In pawh engemaw chhung atana Inkhawm theih turin hnatlangin siam a ni a, Good Friday zan atang khan an inkhawm tan ve leh thei ta bawk. Hetih lai hian Administrative Department chuan Tualchhung Kohhran hrang hrang-ah ngenna siamin,ย BCM Office, Serkawn, E.S. Office, Aizawl leh Lawngtlai ah te tanpuina hi pek tura ruahman a ni.
