GS leh AGS New Delhi- ah kal mek: BCM General Secretary, Rev.H. Lianngaia leh AGS i/c Mission, Rev.Dr.K. Lalrinthanga te chu North India Mission-a BCM rawngbawlna a hmuna enpui tur te, UP Mission-a kan rawngbawlna, Yashu Bakh Pavitra Sabha nena kan rawngbawlhona field tlawh tur te, YBPS College, Doon Bible College Valedictory Service hmanpui tur tein May 1-7, 2014 chhung an zin mek. Kan hotute pahnih hi an nupuiten an tawiawm a. Debradun-ah hian GS hi khualzahawm a ni ang a, AGS hi khuallian a ni dawn a ni. Kan hotute hian an lo haw lamah Kolkatta-a Serampore Council Meeting, May 8-ah an rawn tel nghal ang a, Bishop’s College nena BCM thawhdunna thuthlung an sign bawk ang.
TLEIRAWL PAWL MEET NEI DAWN: Worship & Music Committee buatsaihnin May 3-4, 2014 hian Serchhip bialah Tleirawl Pawl Meet buatsaih a ni a. Headquarters atangin Worship & Music Director, Rev.KV. Thanga, KB&BT Editor, Upa KMS. Dawngliana leh Upa PC. Liankhama, Bazar te an kal ang. Aizawl atangin Area Choir leh Lunglei atangin BCM Choir te an kal bawk dawn a ni.
