Lairam Gospel Centenary-ah AGS Pahnih
Lairam Isua Krista Baptist Kohhran (LIKBK) chuan Lairam Gospel Centenray an lawm mek a. He an hun pawimawh tak lawmna runpui (Main Celebration) chu tunkar Pathianni November 25 hian Lawngtlai Mualah neih a ni ang. He Centenary hmanpui tur hian BCM aiawhin Associate General Secretary pahnih, Rev.C. Ngurhnema leh Rev.Dr. K. Lalrinthanga te an kal ang.
General Secretary Mualcheng South-ah
BCM General Secretary, Rev.H. Lianngaia chu Mualcheng SouthKohhran Centenary lawmpuiin a kal dawn a. Mualcheng S Kohhran hi member 312 an ni a, Centenary hi November 18 khan Pro Pastor Lalrohlua hovin a hawnna neih a ni tawh a, nupa tuak 20 innei thain thunun lai 4 phelh an ni a. Tunkar Inrinni, November 24-a a lawmna pui berah BCM General Secretary chu thuchah sawi tura ruat a ni. GS bakah hian Lunglei zaithiam Bethsy Lalrinsangi, Lalramchhana leh Pu C. Lalzarmawia te an sawm bawk.
Communications Department Lengpuiah
Communications Department chuan Director, Rev.R. Lalchamliana hovin November 25 Pathianni hmang hian Lengpui bialah Campaign/Seminar neihpui turin an kal ang.
Lawngtlai Town TKP Meet
November 25, 2012 Pathianni hian Lawngtlai khawpui chhunga TKP te chuan Bethany Biak in, College Vengah Town TKP Meet an buatsaih dawn a; Rbt. PC. Chuaudingan thuchah sawiin Special item chi hrang hrang neiin hun an hmang ang.
Bial TKP Inkhawmpui leh Meet
Tunkar Pathianni (Nov.23-25, 2012) hmang hian Pastor bial 3-ah bial huap programme neih a ni ang, hetiangin:-
1. Bawngkawn Pastor bial Inkhawmpui Bawngkawn Biak inah Speaker atan MTKP Asst. Secretary, Upa R. Lalrochama hmangin thupui chu ‘Mei ata la chhuak thuai ula, chhandam rawh u’ .
2. Mission Vengthlang bial TKP hian Shalom Biak inah speaker atan Rev. Lalhmingchhuanga Jongte an hmang ang.
3. Saitual Pastor bial TKP chuan Saitual North Biak inah Meet an hmang dawn a. Speaker atan MTKP Vice President, Pu PC. Vanlalrova hmangin thupui chu ‘I vanglai hian i siamtu hre reng rawh’ tih a ni ang.
Paithar Bial BKHP Seminar
Paithar Pastor bial BKHP chuan November 23-25 hian Sihtlangpui Biak inah Seminar an buatsaih dawn a. MBKHP atangin Organiser, Pi B. Singpari hovin Commiittee member pahnih Pi V. Biaklawmi leh Pi J. Laldingliani te an kal ang.
Thingfalah Worship & Music Seminar
Tunkar Pathianni hmang khian Thingfal Kohhran chuan Worship & Music Seminar an buatsaih dawn a, He Seminar hmanpui tur leh Resource Person atan Upa C. Hrangdula, Bazarveng a kal ang.
Evangelist-te Programme
Evangelist team/Pastor te rawngbawl mekna report kan dawnte:
Mizoram Evangelical Ministry (Upa R.L.Thianghlima) te Aizawl Central Church-ah
Evangelistic team (Upa Zothankhuma Hrahsel) te New Saiha Kohhranaah
Gospel For All (Upa F. Lalnuntluanga) Hnahthial Electric Vengah
Ebenezer Ministry (LH. Vanlalmawii) Lungsen Kohhranah Camp
Pro Pastor V.L.Nithanga hovin Lawngtlai Bazar Kohranah.
Evangelical Revivalistic Ministry (David Lallawmkima) Tarpho Kohhranah.
Rev.C. Lalhungliana Edenthar Kohhran, College veng, Lungleiah.
Kraws Thupuangtu (Vanlalengmawia Sailo) Sangau Hermon Kohhranah.
Soldier of Christ (Upa F. Aichhunga) Bunghmun Kohhranah
