Christian Education Department :

Christian Education Department chuan Director, Rev.V. Vanlalchhunga hovin July 11-12, 2015 hian Tawipui Pastor bial huapin Sunday School Training leh Seminar an buatsaih dawn a. Inrinniah Tawipui South Biak inah Seminar neiin Pathianni-ah bial chhung Kohhran hrang hrangah hun an hmang ang.

MBKHP Hruaitute Programme:

Mizoram BKHP hruaituten tun kar hian hetiangin programme an nei: Chhawmdawlna in Awareness campaign-in tun Pathianni hian hmun pathum- Lawngtlai East pastor bial leh Lunglei khawpui chhung Zion Kohhran leh Ramzotlang Kohhranah te hun an hmang ang. Tin, July 12-14 ah Corner Stone,

USA lamin thawhho puia an sawmna chungchangah inkawmna nei turin MBKHP Organiser Pi, PS Lalhmingthangi leh Grace Society Project Manager Pi Lalnunzami Chawngthu te Guwahti-ah an thang mek bawk.

Mission Convention:

Aizawl East Pastor bial chuan July 10-12, 2015 hian Electric Veng Biak inah Mission Convention an buatsaih dawn a, speaker atan Rev. F. Sangvela an hmang ang.

Lunglawn East kohhran pawhin July 10-12, 2015 chhung vek hian Mission Promoter, Upa HL. Liantluanga hmangin Mission Convention an hmang bawk ang.

Chanmari Pastor bial KNP Inkhawmpui:

Chanmari Pastor bial chuan July 11-12, 2015 hian Ramthar Biak inah KNP inkhawmpui an nei dawn a; thupui: ‘Naupangte leh Tunlai Khawvel’ tih a ni a, speaker atan Upa F. Laldinliana a ni ang.

Non Mizo Leadership Training Tlabungah:

July 11-12, 2015 hian Non Mizo Fellowship, Tlabung chuan Non Mizo Mission incharge, Rev. K. Lalbiakchhawna hovin Leadership Training an nei dawn.

Evangelism Programme:

Kan hriat theih chinah heng Kohhranah te hian Evangelism programme kalpui mek a ni:

Lunglei Farm veng Kohhranah Camping-Speaker: Evan. Tlangmawia, Mizoram for Christ

Lawngtlai Chanmari Kohhranah camping - Speaker: Evan.F. Lalnuntluanga, Gospel for All

Lunglei Rahsiveng Kohhranah Camping - speaker: Rev. C. Lalremmawia, Lengpui bial

Lawngtlai Bethany Kohhranah Crusade- speaker: Evan.PC. Lalthanmawia, Bethesda team