Mission Programme

Kan hriat angin vawiin hi Missionary Sunday a ni a. Headquarters atanga zing leh zan thupui thlan sa awm mahse he ni pawimawh denchhena Tualchhung leh bial huap programme siam eng emaw zat kan awm thin a, kan hriat theih chin kan han tarlang e.

# Aizawl Chanmari Kohhran chuan July 1-5, chhung Mission Week an hmang a. Hun hmasa lam zan thum (Nilai zan - Zirtawp zan) chhung chu Pu C. Lalengkima hovin Mission Focus hun an hmang ang a. Inrinni zan atanga Pathianni zan thlengin AGS i/c Mission, Rev.Dr.K. Lalrinthanga speaker-a hmangin Convention programme an hmang chhunzawm ang.

# Mission Coordinator, Rev.B.Lalrinawman Venghlun Biak inah July 5- Pathianni zing leh zanah hun a hmang ang

# Ramthar Kohhran(Lunglei) chuan July 3-5 chung hian Mission Promoter, Upa HL. Liantluanga speaker-a hmangin Mission Convention an nei ang.

# Zotlang (Lli)  Pastor bial chuan Missionary Sunday denchhenin Ramchhung Mission-a thawk kan missionary-te Rev. RC. Lalthanzama, Pu CK. Thanga leh Nl.H. Lalbiakveli te chah chhuakin Inrinni zan atanga Pathianni zan thleng an bial chhunga Kohhran hrang hrangah hun an hmang ang.

# Bazar Pasttor bial chuan Hetiang deuh bawk hian Ramchhung Mission-a thawk kan missionary-te chah chhuakin bial chhung Biak in hrang hrangah hun an siam sak hlawm a. Chungte chu- R. Lalthianghlimi, Zokaisangi, T. Lalbiakmuani leh LH. Ngurchhawna te an ni.

# Ramzotlang Kohhran chuan July 3-5 chhung vek hianMissionary, T. Lalzamlovi (Te-i) hmangin Mission Convention an nei ang.

# BBS Tuichawng zirtirtu leh School naupangte ringtu la awm miah lohna khua Bindiasora-ah July 4-5 hian an feh chhuak.

# Aizawl Central Church pawhin Mission Convention an nei a, hengte hi thusawitu turte an ni: Rev. L. Vanlalsanga, Rev. Dr. V. Laldingliana leh Rev. Dr. V. Kapenga te.

Thailand-ah Spritual Life Conference:

Thailand-a kan missionary, Rev. Lalrinmawia hnen atanga kan thudawn danin July 4-8, 2015 hian SIM, Thailand field ten Spiritual Life Conference an nei dawn a; kan missionary hi speaker pakhat a ni a, tawngtaipui turin min ngen. Conference zawh veleh Thailand hmar lama missionary ho tlawha zin kual nghal an tum.

BKHP te Remna Ni-ah Ram tan an tawngtai

Mizoram BKHP chuan an rorelnaa an lo intiam tawh angin Remna Ni, June 30, 2015 khan Rampum huapin mahni Unit theuhah chawngheiin an tawngtai. Programme hi zing dar 7-ah tanin a tawp lam chu anmahni hun hman rei dan azir a ni. An chaw ei ai thawh khawmin Mizoram BKHP-ah an chhunglut. He hunah hian Ram tan, Ruihhlo ngaite tan, Ebola leh Swine flu darh zau zel loh nan leh Missionary te tan an tawngtai a ni.