Haulawng bialah SS Training leh Intermidiate Meet
Christian Education Department chuan Haulawng Pastor bialah April 18-19, 2015 hian Lamthuamthum Biak inah Sunday School Training leh Intermidiate Meet an neih pui a, Headquarters atangin CED Director, Rev.V. Vanlalchhunga leh Upa C. Saihmingliana Salem te an kal.
Mission Convention Pastor bial Pathumah
April 17-19 hian Pastor bial 3 chuan Mission Convention an nei mek a, Saiha West Pastor bialin Meisatla Biak in, Saiha-ah neiin speake atan Mission Coordinator, Rev.B. Lalrinawma an hmang a. Tuiphai Bialin Tarpho Biak inah neiin Speaker atan Rev. F. Sangvela an hmang a, Chhipphir Pastor bialin Lungmawi Biak inah Mission Convention nghatinย speaker-ah Mission Promoter, Upa HL Liantluanga an hmang bawk.
Zotlang Pastor Bial Seminar
Zotlang Bial Pastor Bial (Lunglei) chuan April 18, 2015 hian Pukpui Biak inah Bial chhung Kohhran hruaitute leh FOD hruaitute pualin Rev. C. Lalbiakzama leh Upa S. Hmingthanga te resource person-a hmangin Seminar an buatsaih ang.
KNP Inkhawmpui
Pangzawl Pastor bial chuan April 18-19, 2015 hian Keltan Biak inah KNP inkhawmpui an nei dawn a; speaker atan KNP Promoter, Pi B. Singpari an hmang ang.
Chakma Gospel Music Festival
April 18-19, 2015 chhung hian Tuichawngah Rahsiveng Kohhran buatsaihin Chakma Gospel Music Festival an buatsaih a. Hetah hian Zaithiam engngemawzat leh Zaipawl te an kal dawn a ni. Evangelist Team Rawngbawlna Kan hriat thei chinah hetiang hian kan Evangelist team ten rawng an bawl mek: Ebenezer Ministry (LH Vanlalmawii) te Peniel Kohhran Hnahthialah an bung tan Kraws Thupuangtu team (Vanlalengmawia) te Vartek Kohhranah Krista Thuhriltu team (R. Malsawma) te New Latawh ECM Kohhranah Gospel for All team, (F. Lalnuntluanga) te Zion Kohhran, Ramthar veng, Lungleiah
