President leh General Secretary Manipur-ah
Manipur Baptist Convention (MBC) chuan Manipur pum huapa Baptist Kohhran inkhawmpui lian MBC General Conference chu March 26-29, 2015 hian Ukhrul, Manipur-ah an nei mek a, hei hi kum 5 dana an neih thin inkhawmpui lian tak a ni. He hun hmanpui tur hian BCM min sawm angin President, Rev.C. Ngurhnema leh General Secretary, Rev.H. Lianngaia te chuan an hmanpui a, March 25-ah kalin March 30-ah an lo kir leh ang.
AGS i/c Mission & Lawngtlai ES Arakan lamah
Mizoram Baptist Kohhranin Myanmar ram Arakan-ah rawngbawl tan kan tum avangin thawktu awmna hmun tur leh hnathawh tan dan tur tul apiang ngaihtuah a hmuna en turin AGS i/c Mission, Rev.Dr.K. Lalrinthanga, ES Lawngtlai Area, Rev. F. Ramdinmawia leh Arakana thawk tur Rev. Lalmuanzuala te chu an thang mek a, kar lehah an lo kir beisei a ni.
AGS i/c Service LIKBK Assembly-ah
Mizoram Baptist Federation-a kan member pui Lairam Isua Krista Baptist Kohhran (LIKBK) chuan March 25-29, 2015 chhung hian an Kohhran rorelna sang ber Assembly, Lawngtlai Chanmari Biak inah an nei mek a; BCM aiawhin AGS i/c Service, Rev. Lalbiaksanga Chinzah leh Upa J. Lawmsanga, Serkawn te an palai.
Tawipui North Pastor Bial thar hawn a ni dawn
Assembly thurel bawhzuiin Pastoral Ministry chuan Pastor bial a hawng thar zel a, nimin March 28,2015 (Inrinni) hian Tawipui Pastor bial atanga piang tur Tawipui North Pastor bial chu President Elect, Rev. Lalthangliana Hnamte chuan a hawng dawn a. Bial thar hawnna hi Tawipui North II Biak inah neih a ni ang. Bial thar hawnna inkhawm hi Pastoral Coordinator, Rev. R. Zohminglianan inkhawm a kaihruai ang a, President Elect, Rev. Lalthangliana Hnamte in a hawng ang a, thuchah a sawi nghal ang. Bial thar pahnih hruaitute lawm luhna leh hlanna Rev. R. Thanmawia’n a nei thung dawn a ni.
Tawipui North bialah hian Tawipui biala awm thin Kohhran 2 leh Hrangchalkawn biala awm Kohhran 3 te an tel ang a, an vaiin member 1774 an ni ang. Hetiangin: Tawipui North I, Tawipui North II, Gilead, Thualthu leh Mualthuam S. Tawipui bialah heng Kohhran 4- Tawipui South, Minpui, Mt. Hermon leh Mualcheng S te an awm zui ang a, member 1556 an ni ang. Tawipui bialah hian tuna Zawlpui biala awm Rev. Lalchhuankima (Atea) a awm ang a, Tawipui North bialah hian kumin Assembly-a ordain, Rev. Andrew Lalhmachhuana Fanai a awm ang.
Bial inkhawmpui nei mek
Phuldungsei Pastor bial chuan March 27-29, 2015 hian Pukzing Biak inah Bial inkhawmpui an nei mek a, speaker atan Rev.Dr.V. Laldingliana hmangin thupui Kohhran Nung tih a ni. Chhipphir Pastor bial BKHP chuan Lungmawi Kohhranah inkhawmpuian nei mek a; speaker atan an bialtu Pastor, Rev. PC. Lalmuankima hmangin thupui atan “I ram lo thleng rawh se”tih an hmang. Paithar Pastor bial KNP chuan Chawntlangpui Biak inah KNP inkhawmpui an nei mek bawk a, speaker atan Lawngtlai ES Office-a HA, Upa C. Lalbiakthanga an hmang.
Work Camp
Ramzotlang Kohhran member 25 chuan Nghalimlui-ah March 23-28 hian workcamp an nei a; School ceiling siam leh electric wiring hna an thawk a. Palm sunday hian Biak in hrang hrangah rawngbawlin martar Vanlalliana thlante tlawh an tum. Pangzawl Ramrikawn Kohhran pawh Rotlang West-ah March 23-28 hian thawktu Quarters sain Workcamp an nei bawk. Moria Kohhran member 14 pawh Mauzam Primary School sa-in tun kar chhung khan Workcamp an nei.
TKP Retreat leh Seminar
Rahsiveng Unit TKP chuan March 26-27 hian Rev. Lianchhunga Khiangte hovin Retreat an nei a; Zotlang bial TKP pawhin March 28 hian Rev. Lianchhunga Khiangte hmang tho hian Zotlang Kohhran Sunday School Hall-ah Seminar an nei bawk.
Missionary Furlough Mekte
Kan hriat theih chinah tunlai hian heng kan missionary ram chhung leh ram pawna mite hian Furglough Deputation programme an hmang mek hlawm. Chungte chu Nl. H. Lalbiakveli, Serhuan Tuichawng Area-a thawkin Chhipphir Pastor bial a fang mek a. Pu J. Lalrinawma, West Bengal field-a thawkin Aizawl East Pastor
