Kohhran hruaitute Progamme:
# General Secretary, Rev. H. Lianngaia : Hnahthial North Pastor Bial Inkhawmpui October 3-5-a Hnahthial Venglai-ah neih turah Speaker turin naktuk hian Hnahthial a pan ang a, Thawhtan-ah a lo haw leh ang.
# President leh BCM Choir, Myanmar-ah
BCM Rev. H. Sangchema leh Rev.F. Sangvela, Outgoing President leh Baptist Choir-te chu Tahan Kohhran Inzawm khawm, Pastor Retreat & 40th Anniversary Celebration, Tahan, Myanmar-a October 8-12, 2014 chhunga neih tur hmanpui tur leh rawngbawlna nei turin October 6, 2014 khian Lunglei chhuahsan in Myanmar an pan ang.(Read more)
# Rev. Dr. V. Laldingliana Executive Secretary, Aizawl Area : Hnahthial South Pastor Bial Inkhawmpui October 3-5-a Model, Hnahthial-ah Speaker a ni ang.
# Lawngtlai ES Bhutan-ah : Rev.F. Ramdinmawia, Executive Secretary, Lawngtlai Area chu October 3-5, 2014 a Bhutan khawpui Thimphu-a thawktu (Missionary)te pual Seminar-ah resource person turin a kal.
# Rev. R. Zohmingliana, Pastor Co-ordinator : Phawngpui North Pastor Bial Inkhawmpui October 3-5-a Cheural-ah Speaker turin naktuk hian a kal ang.
# Rev. PC Liandula, General Manager, Baptist Literature & Printing : chu Phawngpui West Pastor Bial Inkhawmpui October 3-5-a Rawlbuk-a neih turah Speaker niin, naktuk-ah a kal ang.
# Rev. KV Thanga, Director, FOD & Worship and Music : Cherhlun Pastor Bial Inkhawmpui October 3-5-a
#Pi F. Zanguri, Mizoram BKHP Vice President chu Indian Baptist Women’s Union (IBWU) meeting October 1-7 chhunga Hyderabad-a neih mekah telin a thang mek.
Sunday School Prog. Tripura leh Tuipuibari-ah
Mizoram Baptist Kohhran, Christian Education Department Director, Rev.V. Vanlalchhunga leh Pu K. Lalrammuana City Church, Aizawl te chu October 4-5, 2014 hian Jampui tlangdung, Vanghmun Biak inah Sunday School Training/Seminar neihpui turin an kal a. Inrinni nilengin Seminar an nei ang a, Pathianni-ah Agartala-ah Mizo Kohhrante/thawktute nen workshop an nei chhunzawm ang. He mi rual vek hian Bru Baptist Church pualin Tuipuibari-ah Sunday School Promoter, Pi H. Lalkimiten Sunday School Training & Seminar an neihpui bawk ang.
Lawngtlaiah Chanchinbu Workshop
Lawngtlai khawpui chhung pastor bial pathum- Lawngtlai East, Lawngtlai South leh Lawngtlai North bial TKP Coordination Committee bultumin October 4, 2014 (Inrinni) khian Lawngtlai Salem Biak In-ah Tualchhung Chanchinbu enkawltute pualin Workshop neih a ni dawn a. Resource person atan Upa KMS. Dawngliana, Editor, Kohhran Beng an hmang ang. Inrini zan - Pathianni-ah Resource person hian Lawngtlai khaw chhunga Biak In hrang hrangah thu a sawi chhunzawm ang.
Kohhran indang thar- Bualpui ‘H’ South Kohhran
Thingsai Pastor bial chhunga Bualpui H Kohhran atangin September 20, 2014 khan Bualpui ‘H’South Kohhran an indang thar a, chhungkua 61, member 320+ an ni. Biak in thar pawh luah nghalin bialtu pastor, Rev. N. Vanlalzuia hovin ruai nen ropui takin an lawm.
Bial Inkhawmpui nei dawn
Mizoram Baptist Kohhran Pastor Bial hrang hrang ten October thla hian Inkhawmpui an nei leh dawn a. Tunkar tawp hian Pastor Bial engngemawzatin Inkhawmpui neiin, Bial tam zawk chuan Pathianni vawi hnihna leh vawi thumna hmangin Inkhawmpui an nei thung ang. Tin, Pathianni hnuhnung ber hmang hian Area Baptist Council (ABC) Inkhawmpui chu ABC 13-ah a rual-a neih tur a ni dawn a ni. Tun kar, October 3-5 hmanga Pastor Bial inkhawmpui nei tur kan hriat theih chin chu heng te hi an ni:-Continue reading →
