Siaha Town Church Silver Jubilee-ah GS
BCM General Secreetary, Rev. F. Ramdinmawia chuan May 7-8,2019-a Siaha Town Church Silver Jubilee lawmna, Siaha Town Church-a neih tur chu a hmanpui dawn a. May 7 zing-ah Jubilee Lung phun hawngin May 8, 2019 –ah Jubilee Main Celebration-ah thuchah a sawi nghal ang.
AGS Mission - Field Directors’ Meet neihpui
Rev. Dr. C. Vanlaldika, AG i/c Mission chu May 3-a chhuakin Guahati Region Mission Field Directors Meet, May 5-7 chhung Guwahati-a neihpui turin a kal ang. Hemi rual hian Sadya Dibru Baptist Association nen thawhhona thuthlung (MoU) an ziak nghal ang a. Assam Baptist Convention nena kan thawhhona thuthlung (MoU) pawh a lo tawp tak avangin thawhhona thuthlung an ziak thar leh nghal bawk dawn a ni.
Sadiyas Dibru ho hi Arunachal ram chhung, Arunch Far-East a Field huam chhunga hnam pakhat an ni a, Sap Upa leh Pui Buanga ten Mizoram an rawn luh nawn leh hmaa rawng an lo bawlna hnam an ni a, BCM nena thawhho an rawn dilna chu Assembly 2019 chuan pawmin tunah hian tihhlawhtlin a lo ni dawn ta a ni.
AGS Service- Thingsaiah
[caption id="attachment_14099" align="alignright" width="139"]
AGS i/c Service[/caption]
Associate General Secretary, Rev. R. Lalbiakliana chu karleh thawhtanni (May 6,2019) hian zan khat riakin Thingsai-ah a kal dawn a. Thingsaiah hian Mizoram BMP Meet, 2020 chungchanga hmalak dan tur te thlir hovin, Organising Committee te nen meeting an nei ang.
Mission Coordinator – SIM(NE) Meeting-ah:
Rev. R. Lalthangliana, Mission Coordinator chu May 8, 2019-a Shillong-a (South India Mission (North East) - SIM(NE) Meeting, Shillong-a neih turah a tel dawn a, karleh Thawhtanni hian Serkawn a chhuahsan ang.
Mission Convention:
May 11-12,2019 chhung hian Haulawng Pastor Bial Mission Committee chuan ‘Lo chu khawvel a ni” tih thupui hmangin Mission Convention Bethel Kohhranah an nei dawn a. Convention Speaker-ah Upa HL Liantluanga, Mission Promoter an hmang ang.
Bial TKP Meet:
Serkawn Bial TKP te chuan Mau 3-5, 2019 hian Bial TKP Meet, Zohnuaiah an hmang dawn a, He Meet hmanpui tur hian Khawzawl Pastor Bial TKP te an chah chhuak a, an kal man leh mamawh tul apiang an tum sak a ni. Khawzawl Bialtu Pastor Pro. Pastor Lalsanglura Sailo hovin TKP member 19 an rawn kal a ni. Naktuk ni May 3 hian BCM Hmunpawimawh te fan pui an ni ang a. Inrinni -ahn Thuamluaia Mualah TKP Bial Sport neiin, zan atangin Pathianni zan thleng BCM Zohnuaia Kohhran-ah TKP Meet Programme an hman chhunzawm ang
Bial BMP Meet:
Pangzaswl Pastor Bial BMP chuan BCM Keltan-ah Bial BMP Meet May 5-6 hian an hmang dawn a, Speaker-ah Bialtu Pastor Rev.K.Vanlalziaka niin Thupuiah "Lalpa lo kal lehna" tih an hmang ang.
