Social Concern Awareness Seminar:
BCM Social Concern Committee chuan March 15-16, 2014 hian Hnahthial North pastor bial huapin Social Convern Awareness Seminar, Bazar Biak inah an nei dawn a. Headquarters atangin AGS Service, Rev. Lalbiaksanga Chinzah hovin Rev. Sangliankhuma Chinzah, Upa M. Thansiama, Electric veng,Lunglei leh Upa KMS.Dawngliana, Editor ten an hmanpui ang. Pathianni-ah bial chhung Biak in hrang hrangah rawngbawlna an nei ang.
Pastor bial Pahnih Zaipawl Meet:
Tunkar Inrinni leh Pathianni (March 15-16) hmang hian Tawipui bial leh Thingfal bial huapin Joint Zaipawl Meet, Tawipui South Biak inah neih a ni dawn a. Resource person/Speaker atan General Secretary, Rev. H. Lianngaia leh Worhsip & Music Director, Rev. KV. Thanga te an ni ang.
Christian Education Department feh chhuak dawn:
Christian Education Department chuan tunkar Pathianni hmang hian Muallianpui bial leh S. Vanlaiphai bialah te Sunday School Seminar/ Training an buatsaih dawn a. Muallianpui bialah hian Christian Education Departemnt Director, Rev. V. Vanlalchhunga leh Sunday School Trainer Upa Sangkunga, Peniel, Hnahthial te an kal ang a, S. Vanlaiphai bialah Sunday School Promoter - Pi H. Lalkimi leh Nl. Daisy Zomuani ten an hmanpui thung ang.
Khawhri Unit TKP Diamond Jubilee
Khawhri Unit TKP, Tuiphai bial chuan March 14-15, 2014 hian an Unit din champha vawi 60-na, Diamond Jubilee an lawm dawn a. Speaker leh Jubilee hawngtu atan MTKP Vice President, Pu Victor Lalrinawma Sailo a ni ang. Jubilee thupui atan hian 'Saltang Chhuahna' tih a ni. Pu Victor-a hi MTKP hruaitute leh zaithiamten an tawiawm ang.
Pangzawl Bial TKP Inkhawmpui
March 14-16, 2014 hian Pangzawl bial TKP chuan Keltan Biak inah โLalpa hmantlakโ tih thupui hmangin inkhawmpui an nei dawn a, speaker-ah bialtu pastor, Rev.H. Lalengmawia an hmang ang.
Leite Bial BMP Inkhawmpui
Leite Pastor bial BMP chuan an bial inkhawmpui hmasa ber March 14-16 chhung vek hian Tuipui Biak inah an bialtu pastor, Rev. Lalsangzuala Sailo hovin an nei dawn.
