Mission Convention
August 18-19 hmang hian Zobawk Pastor Bial buatsaih Mission Convention, Horeb Kohhran-ah an nei dawn a, Speaker-ah Rev. B. Lalrinawma, Mission Coordinator an hmang ang.
Intermediate Meet
Tunkar Inrinni leh Pathianni hmang vek hian Tawipui Pastor Bial huap, Intermediate Meet, Tawipui 'S' Kohhranah nghah a ni dawn a. Speaker & Resource person-ah Rev. PC Liandula, Director, Christian Education Department a kal ang.
Mission Consultation
August 18-19, 2018 hmang vek hian South Vanlaiphai kohhranah Mission Consultation neih a ni dawn a. Resource Person atan Upa HL Liantluanga, Mission Promoter an hmang thung ang. Patianni zing inkhawmah Tualchhung kohhranin Missionary atana an lak C. Remruatpuia thlahna hun an hmang bawk a ni.
Church Leaders' Seminar:
Tunkar Inrinni, August 18, 2018 hian Rev. V. Vanlalchhunga, Pastoral Coordinator chuan Mamte Kohhranah nilengin Kohhran hruaitute Seminar a neihpui dawn a. A tuk, Pathianni-ah Thingfalah hun hmang lehin chawnu lamah Kohhran hruaitu Seminar hi a neihpui leh ang.
Worship Seminar:
Tunkar Inrinni leh Pathianni hmang hian Tlabung Pastor Bial chuan Zodin Kohhran-ah Worship & Music Seminar an nei dawn a, Resource Person-ah Rev. KV Thanga, Director, BCM Worship & Music Dept. an hmang ang. Director hi Lalhlumawii leh Thawhlehnaniropuia ten an tawiawm dawn a ni.
Bial TKP Meet
Lawngtlai North Pastor Bial |KP te chuan Rev.Lianchhûnga Khiangte, MTKP Organiser Speaker-a hmangin August ni 17-19 chhûng hian Bial TKP Meet an nei dawn a. Meet chhung hian Sports lama intihhlimna leh Human Trafficking chungchang inzirtirna an nei nghal ang. Human Trafficking chungchang chungchang zirtirna pe turin Tv R.Lalnunthara, Assistant proffesor, HATIM (Exe. member M|KP) hman a ni ang a, Hnahthial North Pastor bial zaipâwl ten he Meet hi an hmanpui bawk ang.
KNP Pual Camping leh Crusade
#Serkawn Kohhran chuan August ni 17-19 chhung hian TBC Zaithanpuia Speaker-a hmangin KNP pual Camping an nei dawn a, naupang kum 9 chin chunglam riah luh tirin kumkaw hnuai lam chuan langin an chhim thung ang. Pathianni chawhnuah Speaker hovin Follow-up hun hmang leh dawn a ni.
#Mahanaim Kohhran, Lungsen pawhin August ni 17 zân atanga tanin ni 19 zân thleng hian KNP Pual Crusade an nei dawn a. Speaker, Upa K.Lalnuntluanga(Baptist Today Editor) Convener, Unit KNP Serkawn chu hman a ni ang. Serkawn thalai mi 7-in an tawiawm dawn a ni.
