[caption id="attachment_5410" align="alignright" width="300"] Rev. Lalbiaksanga Chinzah[/caption] BCM President :

BCM President - Rev.Lalbiaksanga Chinzah,  April 26, 2018-a Board of Theological Education (BTE) Meeting -ah kalin AICS, Aizawl-ah an thang mek a. Meeting neih zawhah Aizawl-ah cham chhunzawmin April 29,  Pathianni zing-ah Chaltlang Kohhran-ah hun a hmang ang a. Pathianni zan-ah Chaltlang, Lilyveng-ah thu a sawi leh ang.

BTE Meeting-ah BCM hotute kal

Nimin, April 26, 2018 khan AICS-ah Board of Theological Education Committee Meeting neih a ni a, he Meeting-ah hian BCM Headquarters atangin BCM President - Rev.Lalbiaksanga Chinzah, General Secretary – Rev. F. Ramdinmawia, AGS –i/c Mission – Rev. Dr.C.Vanlaldika leh Pastor Coordinator – Rev. V. Vanlalchhunga te kalin vawiin hian station lo thleng leh tura beisei an ni a.

 

Mission Convention:

Serkawn Kohhran chuan tunkar zirtawp zan atang hian Rev. Dr. C. Vanlaldika, AGS i/c Mission speaker-a hmangin Mission Convention an nei dawn a, Pathianni zanah an tiak ang.

  Sunday School Progamme:

#April 28, 2018 (Inrinni) hian Zobawk North Pastor Bial huap Sunday School Training, Zobawk Bazar Kohhran-ah neih a ni dawn a. Christian Education Director Rev. Pc. Liandula’n a Training hi a kaihruai ang.

#Tin, tunkar Inrinni leh Pathianni, (April 28-29) hmang hian Muallianpui Pastor Bial huapin Sunday School Training, New Kawnpui-ah neih a ni dawn a, Training pe turin Sunday School Promoter Pi H. Lalkimi leh Upa K. Lalnuntluanga, Editor, Baptist Today te an kal ang.

  Bial huap Tawngtai khaidiat nei:

Luangmual Pastor Bial, Aizawl chuan April 27 zan dâr 7:00 atanga ni 28 zan dâr 7:00 thleng tawngtai khaidiat programme an hmang dawn. Lungamual Pastor Bial, Aizawl-ah hian Kohhran 7 awmin member 2647 an awm mek a ni.

   Rev.K.Lalbiakenga Programme

Lunglei District Evangelical Nurses Fellowship chuan April ni 25-26 chhung hian Nurshing School, Serkawn-ah Decipleship Training an nei a, Speaker atan Rev. K. Lalbiakenga, Organiser PG&PAC an hmang.

  KNP Inkhâwmpui.

April ni 28-29 chhung hian Chanmari Pastor Bial KNP chuan Rev.K.Lalbiakenga, Organiser PG&PAC Speaker-a hmangin Ramthar Biak Inah Bial Inkhawmpui an nei dawn a, Inkhawmpui thupui atan “Thianghlimna” tih an hmang ang.