Tun kar tawp (Weekend) hian Headquarters/Bial leh Tualchhung Kohhran kan hriat lawk theih chin Kohhran hoten kan tawngtaipui theih nankan han tarlang a ni.
President Hnahthial Electric North Kohhranah:
BCM President, Rev.F. Sangvela chuan tunkar tawp hian Hnahthial Electric North Kohhranah Mission Convention a neihpui dawn a, Convention hi Pathianni zanah an tiak ang.
AGS i/c Service Muallianpui bialah:
Rev. Lalbiaksanga Chinzah, AGS i/c Service department chuan tunkar Pathianni, July 21, 2013 hmang hian Muallianpui bial a tlawh dawn a; Phawngpui North bialtu pastor, Rev.Lalsangvungan a tawiawm ang.
Christian Education Department Pastor bial 2-ah:
July 20-21, 2013 (Inrinni leh Pathianni) hmang hian Christian Education Department te chu pastor bial pahnihah Sunday School Seminar programme neiin an fehchhuak dawn a. Thenzawl bial huap Thenzawl Kohhranah Director, Rev.V. Vanlalchhunga leh Upa C. Zirkunga te an kal ang. Paithar bial huapin R. Vanhne Kohhranah Promoter, Pi H. Lalkimi leh Rev.J. Lalduhawma te an kal thung dawn a ni.
Mission Consultation cum Convention
Rahsiveng Pastor bial TKP chuan naktuk July 20-21, 2013 hian Venghlun Biak inah Mission Consultation cum Convention an buatsaih dawn a. Bial chhung Kohhran hrang hrang zaipawlten zaia rawngbawlna neiin Speaker atan Rev. Lalthanzauva (Missionary Retired - Thailand) a ni ang. Rahsiveng bialah hian Unit 5 awmin TKP member 1000 chuang hlek an awm.
Missionary Furlough
Pu K. Lalchhanhima, Assam field, Lalmati khuaa Missionary thawk mek chu tunlai hian Mizoramah Fur-lough programme hmangin an cham mek a. Thingsai bial fang zo tawhin July 17-21 chhung hian Rahsiveng bial Kohhran an tlawh kual mek.Bial BMP Meet:
Lawngtlai East pastor bial BMP chuan July 19-21, 2013 hian Vengpui Biak inah bialtu pastor, Rev.L.Lalsawmliana hovin ‘I ram lo thleng rawh se’ tih thupui hmangin Meet an nei dawn a. Kar kal ta, July 13 khan Leite pastor bial BMP pawhin bialtu pastor, Rev. Lalsangzuala Sailo hovin Leite-ah Meet an lo nei tawh bawk.
Spiritual Convention:
Zotlang North Kohhran(Lli) chuan July 21, 2013 Pathianni hmang hian Spiritual Convention an nei dawn a, Headquarters atangin BCM Worship & Music Director, Rev.KV.Thanga'n a hmanpui ang.
Evangelist-te Programme:
Chanchin Tha Chhuangtu team (Speaker :Evan.K. Lalenga):te Kawrthah khuaah Kohhran pawl hrang hrang huapin hun an la hmang mek.
Gospel For All team (Speaker : Upa F. Lalnuntluanga):te chuan Lawngtlai Immanuel Kohhranah Crusade/camping an la nei chhunzawm zel.
