Fakna Inkhawmpui:

#TKP Siaha West Pastor Bial chuan July 21-23,2017 chhûngin Siaha Town Church-ah Fakna Inkhâwmpui an nei dawn a. Speaker-ah Rev. Lianchhunga Khiangte Organiser, MTKP hman a ni ang. Inrinni-ah Solfa trainning neih a ni ang. Solfa Training-ah hian Resource Person-ah Pu V. Lalhlimzauva, Zotlang(Lunglei) hman a ni ang a, Pathianni nilengin programme hman a ni ang. He Fakna Inkhâwm hi Zotlang Pastor Bial Zaipâwlin an hmanpui dawn a ni.

#Rahsiveng Pastor Bial buatsaihin July 22-23,2017 chhûng hian Speaker-ah Rev.C. Lalhungliana, Bialtu Pastor Speaker-a hmangin BCM Biak In, Rahsivengah Zai Kûtpui an buatsaih dawn a, thupui-ah "Aw ka nunna Lalpa chu fak la" tih a ni ang. Inrinni nilengin Bial chhûng Kohhran Zaipâwl hrang hrangte intihsiakna neih a ni anga, Pathinni zanah an tiak ang.

#Zobawk North Pastor Bial chuan July ni 23 Pathian ni hmang hian Bial Worship and Music Committe buatsaihin Fakna Inkhawmpui, BCM Bazar, Zobawk Biak Inah an nei dawn.

Mission Convention:

#Tawipui North Pastor Bial Mission Committee buatsaihin July 22, 2017(Inrinni) hian BCM Biak In, Thualthu-ah Mission Consultation neih a ni dawn a. Speaker-ah Rev.Dr.C.Vanlaldika AGS i/c Mission hman a ni ang.

#BCM Salem, Lunglei pawhin July 21-23, 2017 chhûng hian Mission Convention an nei dawn a, Speaker-ah Rev. F. Sangvela hman a ni ang.

Lunglei District Jail-ah Pathian hnathawh:

July 13-16, 2017 khân Rahsiveng Pastor Bial buatsaihin Lunglei District Jail-ah Rev. C. Lalhungliana, Bialtu Pastor Speaker-a hmangin Gospel Camping neih a ni a. Pathian hnawthawh ropui tak lo langin Jail tâng 126 zîngah mi 80 in lâwm takin Lal Isua hnênah inhlanna an nei a. Krista zui tûra inpe tharte atang hian mi 12-in ringtu baptisma an chang nghe nghe a ni. Pathianni tlaiah Lalpa Zanriah Sacrament-in an hun an khâr a ni.