Bazar Bial Tuiphaiah:
Bazar Pastor Bial, Lunglei chuan May 27-28, 2017 hian Tuiphai Pastor bial an tlawh dawn a, Member 20 vel an feh chhuak turin an inbuatsih mek. Tuiphai Bial Kohhran palite an tlawh chhuah vek an tum. Tuiphai Bial Kohhrante an lâwm hle.
Seminar cum Consultation on BCM Mission:
Chanmari Pastor Bial Mission Committee buatsaihin May 27, 2017 hian BCM Zion Biak In-ah Seminar & Consultation on BCM Mission an nei dawn a. Resource Person-ah Rev. Dr. C. Vanlaldika, AGS i/c Mission leh Upa H. Liantluanga, Mission Promoter te an ni ang.
Baptisma chang thar:
Non-Mizo rawngbâwlna atanga Lal Isua zui tura in pe thar sakhaw hrang hrang atangin mi 17 te chuan May 21, 2017 khan baptisma an chan hnu-ah vawiin May 25, 2017 tlai hian mi 7-in Baptisma an chang leh ang.
Mission Convention:
Thingsai Pastor Bial buatsaihin May 26-28, 2017 hian Mission Convention Thingsai Gilgal Biak In-ah neih a ni dawn a. Rev. B. Lalrinawma, Mission Coordinator chu Speaker a ni ang.
Fakna Inkhâwm:
S.Vanlaiphai Pastor Bial chuan May ni 26-28, 2017 hian Darzo Kohhran-ah Fakna Inkhawm an nei dawn a, May 27(Inrinni)-ah nilengin zaipâwl intihsiakna neih a ni ang. He Fakna Inkhawm-ah hian Rev.KV.Thanga, Director, Worship & Music Dept. chu Speaker niin, BCM Choir ten an hmanpui bawk ang.
President thar:
North East India Christian Council(NEICC) Women Association inkhâwmpui Moirang-a neih zawh takah khan kum 2017 -2019 President atan Dr. Chawngthanpari (BCM) chu thlan a ni. NEICC Youth Assembly May ni 19-21, 2017-a Diwon Presbyterian Biak Ina inkhâwmpui chuan 2017 - 2019-a President atân Pu H. Lalthangliana, MTKP Vice President chu an thlang bawk.
